Şahin Növrəsli yeni saytına təqdimat keçirib

Gənc pianoçu-cazmen Şahin Növrəsli yeni saytına təqdimat keçirib. Caz ifaçısı saytına təqdimat keçirməklə yanaşı, İsveçrədə baş tutan “Montre” festivalından danışıb. Şahin Növrəsli bildirib ki, festivaldakı uğurundan sonra onun üçün İsveçrənin məşhur səsyazma studiyalarının birində işləmək imkanı yaradılıb. Ş.Növrəslinin sözlərinə görə, onu daha çox sevindirən Azərbaycanın adının festivalda uğurla təmsil olunması olub.

Bakı Musiqi Akademiyasının rektoru Fərhad Bədəlbəyli caz ifaçısının birinci deyil, ikinci yerə sahib çıxmasının səbəbini açıqlayıb: "Müsabiqədə münsiflər heyətinin sədri türk idi. Ona görə də dedi ki, "mən türk, Şahin türk. Ona birinci yeri vermək çətin olar".

Yeni istifadəyə verilən shahinnovrasli.com saytına gəlincə, burada cazmen haqqında ətraflı məlumatlar yer alıb. Azərbaycan, ingilis və rus dilində olan albomları haqqında məlumatlar, məşhur musiqiçilərin onunla bağlı dedikləri, konsertləri haqqında və s. məlumatlar əldə etmək olar.

Ayna.- 2007.- 8 avqust.- S. 8.