Samirə

 

Münhen Azərbaycana bravo deyib

 

Azərbaycan Dövlət Opera və Balet Teatrının orkestri və solistləri Almaniyanın Münhen şəhərində keçirilən Opera Sənəti Festivalından qayıdıblar. İyulun 29-da festivalın yekun konserti keçirilib.
   Dünən festivalda iştirak edən orkestrin üzvləri opera artistləri Gülnaz İsmayılova, Fərid Əliyev Əvəz Abdullayev mətbuat konfransı keçirdilər. Akademik musiqinin təbliğatçıları bildirdilər ki, builki Münhen festivalında 62 dövlətin tanınmış vokalçıları, dirijorları, musiqiçi bəstəkarları iştirak edirdi. İlk dəfə olaraq builki festivalda ABŞ, Argentina, Braziliyadan olan musiqiçilər sənət nümayişinə çıxmışdılar. MDB ölkələrindən festivala qatılan yeganə dövlət Azərbaycandır. Festival konsertlərinin keçirildiyi 1500 nəfərlik dopdolu zalda Almaniyanın, Avstriyanın, İngiltərə Fransanın akademik sənət mütəxəssisləri olublar.
   Festivalın qala-konsertində Verdi, Puççini, Maskanyi, Bize, Vaqnerin şedevrləri ilə yanaşı, Ü.Hacıbəylinin, Q.Qarayevin, R.Hacıyevin, P.Bülbüloğlunun da əsərləri ifa olunub. Dinləyicilər Aərbaycan bəstəkarlıq məktəbinin parlaq təzahürlərini layiqli şəkildə qarşılayaraq, musiqimizi sürəkli alqışlar "bravo" sədaları ilə salamlayıblar. Musiqiçilərimizin çıxışları K.fon Kerssenbrok, festivalın baş direktoru L.Bauman digər ölkələrdən olan opera simfonik musiqi mütəxəssisləri tərəfindən çox yüksək qarşılanıb.
   Opera Balet Teatrının baş dirijoru Cavanşir Cəfərov isə bu festivalda özünün ən yaxşı bu vaxta qədər müəyyən mənada gizli qalmış peşəkar cəhətlərini nümayiş etdirib. Məhz bu keyfiyyətlər sayəsində o, akademik sənətin yüksək forumu olan bu festivalın ən yaxşı dirijorlarından biri hesab edilib.


Həftə içi.-2007.- 4-6 avqust.-S.8.