Avqustun 30-da Azərbaycan Respublikasının Prezidenti
İlham Əliyev Heydər Əliyev adına Sarayda aparılan əsaslı təmir və yenidənqurma işləri
ilə tanış olmuşdur.
Dövlətimizin başçısı
əvvəlcə binanın
fasadına baxdı, burada işlərin gedişi ilə maraqlandı. Prezident İlham Əliyevə məlumat verildi ki, binada söküntü
işləri, demək
olar ki, başa çatdırılmışdır.
"Azəraqrartikinti" və
"Pim Proje" Türkiyə-Azərbaycan
birgə müəssisəsinin
həyata keçirdiyi
əsaslı təmir
və bərpa işlərinin 2008-ci ilin mayında tamamlanması nəzərdə tutulur. Almaniyada sifariş olunan xüsusi dam örtükləri yaxınlarda Bakıya gətiriləcəkdir.
Dövlətimizin başçısı
sarayın fasadında
istifadə olunacaq mərmər nümunələrinə
də baxdı. Mərmərlər İtaliya
istehsalıdır və
yüksək keyfiyyətlidir.
Prezident İlham Əliyev fasadda açıq-qəhvəyi
rəngli mərmərdən
istifadə olunmasını
tövsiyə etdi. Dövlətimizin başçısı
sarayın daxilini əks etdirən eskizlərlə tanış
oldu, səhnəyə
də baxdı. Bildirildi ki, burada da işlər
sürətlə davam
etdirilir. 2128 yerlik salonda rahatlıq üçün bütün
şərait yaradılacaqdır.
Səhnənin akustikası
ilə bağlı layihə işləri tezliklə başa çatdırılacaqdır. Sarayda
işıq, istilik, səsləndirmə və
kommunikasiya sistemləri
tamamilə dəyişdiriləcək,
salonda oturacaqlar yeniləri ilə əvəz olunacaqdır. Prezident İlham Əliyev səhnədə
yüksək standartlara
cavab verən müasir avadanlığın
quraşdırılması barədə tapşırıq
verdi. Dövlətimizin başçısı foyedə görülən
işlərlə də
maraqlandı.
Heydər Əliyev adına Sarayda aparılan əsaslı təmir və yenidənqurma işlərinin
daha bir özəlliyi binanın qarşı tərəfində
quraşdırılacaq şüşələrlə
bağlı olacaqdır.
ABŞ istehsalı olan
şüşələr içəridə
keçiriləcək tədbirləri
birbaşa sarayın qarşısından izləməyə
imkan yaradacaqdır. Gecələr isə bu şüşələr
ətrafa yaraşıq
verəcək, onlardan
reklam roliklərinin nümayiş etdirildiyi nəhəng monitorlar kimi də istifadə
ediləcəkdir.
Dövlətimizin başçısı
xüsusi havalandırma
sisteminin yerləşəcəyi
yerə də baş çəkdi. İtaliyadan alınan avadanlığın yaxın
gələcəkdə quraşdırılmasına
başlanacaqdır.
Dövlətimizin başçısı
sarayda əsaslı təmir və yenidənqurma işlərinin
ən yüksək tələblər səviyyəsində
və keyfiyyətlə
görülməsi barədə
tapşırıq və
tövsiyələrini verdi.
Azərbaycan.-2007.-31 avqust.-S.1.