Xidməti X.

Qız Qalası da təmirə dayanıb

Təmir işləri aparılsa da, onun fəaliyyəti dayandırımayacaq

Şirvanşahlar Sarayı kompleksi Dövlət Tarixi Memarlıq Qoruq-Muzeyin strukturuna aid olan qədim "Qiz Qalası" tarixi abidəsində əsaslı təmir işlərinin aparılması üçün layihə smeta sənədləri Mədəniyyət Turizm Nazirliyində təsdiq olunub.

Xatırladaq ki, Azərbaycan Respublikasının Nazirlər Kabineti yanında İçərişəhər Dövlət Tarix-Memarlıq Qoruğu İdarəsindən təmir işlərinin həqiqətən başlandığını və işlərin icrasına Mədəniyyət və Turizm Nazirliyinin tarixi abidələrin mühafizəsi və bərpasi şöbəsi tərəfindən nəzarət edildiyi bildirildi. Müvafiq şöbədənMunicipality.azsaytına bildirilib ki, Qiz Qalasında təmir işləri aparılsa da, onun fəaliyyəti dayandırılmayacaq. Abidənin əsasən fasadının  eroziyaya uğramış hissələri müasir standartlara cavab verən səviyyədə bərpa ediləcək. Bərpa işlərinin oktyabr ayınadək başa çatacağı nəzərdə tutulub.
Muzeyin direktoru Rəna Rzayevanın verdiyi məlumata görə, bərpa işləri muzey rəhbərliyinin təşəbbüsü ilə aparılır qədim tarixi abidə olan Qiz Qalasının mühafizəsi üçün Novruz bayramı gunlərində BŞİH tərəfindən təşkil olunan şənliklərin ssenarisindən alpinistlərin Qız Qalasına dırmaşmaşı çıxarılıb. Çünki bir neçə dəfə təkrar olunan bu addım nəticəsində qalanın divarlarından onlarca daş laxlayaraq yerindən qopub.

Bizim yol.-2007.- 7 avqust.-S.15.