Qədim Şəmkirin mühafizəsi gücləndirilib

 

38 hektar sahəni əhatə edən şəhərin qala divarları konservasiya ediləcək

 

VI-XIII əsrlərin yadigarı olan Qədim Şəmkir şəhərinin ərazisinin mühafizəsi gücləndirilib. Bu barədə APA-ya Mədəniyyət və Turizm Nazirliyinin mədəni irs şöbəsinin müdiri Rizvan Bayramov məlumat verib.

O bildirib ki, ilk növbədə tarixi abidənin Mədəniyyət və Turizm Nazirliyinın mühafizə etdiyi qədim mədəniyyət nümunəsi olması ilə bağlı əraziyə lövhələr qoyulub. Lövhələrdə Qədim Şəmkir şəhərinin tarixi, ərazisi ilə bağlı məlumat qeyd olunub.

Ərazinin artıq xüsusi rnühafizəçi tərəfindən qorunduğunu da qeyd edən R.Bayramov arxeoloji qazıntılan hələ davam etdirildiyini bildirib. Narınqala, Şəhristan Rabat ərazisindən ibarət olan 38 hektara yaxın sahəni əhatə edən Qədim Şəmkir şəhərinin qala divarlarının memarlar tərəfindən konservasiyası nəzərdə tutulub. Qeyd edək ki, mədəni abidənin üzə çıxarılması bərpası layihəsi Mədəniyyət Nazirliyinin nəzarəti ilə Regionların İnkişafı İctimai Birliyinin vəsaitı hesabına həyata keçirilir. Qədim tarixi abidəni gələcəkdə turizm obyektinə çevirmək, turistlərin bu şəhərə səyahətlərini təşkil etmək nəzərdə tutulub.

 

Mərkəz.- 2007.- 28 avqust.- S. 15.