Nəzakət

Azərbaycan-Gürcüstan dostluğuna həsr olunmuş film nümayiş edilib

Mədəniyyət və Turizm Nazirliyinin mətbuat xidmətindən aldığımız məlumata əsasən, bu günlərdə Tovuz rayon icra hakimiyyətində Gürcüstanın "Zolotoye runo" Kino Yaradıcılıq Birliyi ilə Azərbaycan Televiziyasının məhsulu olan Azərbaycan və Gürcüstan xalqlarının sarsılmaz, möhkəm dostluğuna həsr olunmuş "Dostluq yolu" adlı filmə baxış keçirilib.

Layihə müəllifləri Şahismayıl Şəmmədoğlu, Bəhruz Rüstəmov, rejissorları Tanqiz Txilava, Levon Vitava və Aynurə Məmmədovadır. Film rayon ictimaiyyəti tərəfindən böyük rəğbətlə qarşılanıb. Azərbaycan-Gürcüstan xalqlarının qədim zamanlardan bu günə qədər davam edən dostluğuna həsr olunmuş filmdə Tovuz və Dmanisi şəhərlərinin qardaşlaşmasına aid materiallar, hər iki şahərdə gedən abadlıq və quruculuq işləri, Heydər Əliyev Fondunun təşəbbüsü ilə Dmanisi rayonunda görülən işlər öz əksini tapmışdır. Baxışdan sonra filmin yaradıcı heyətinə yaradıcılıq uğurları arzulanmışdır.

Səs.- 2007.- 8 dekabr.- S. 12.