Səlimqızı C.

 

 

Turizm Filmləri Festivalı başladı

 

Dünən paytaxtda 2-ci Milli Turizm Filmləri Festivalına start verildi və festivalla bağlı Mədəniyyət və Turizm naziri Əbülfəs Qarayev mətbuat konfransı keçirdL

Nazir qeyd etdi ki, festival Azərbaycanın turizm imkanlarını nümayiş edən filmlərin təbliği, turizm mövzusunda film istehsalının təşviqi, bu sahədə fəaliyyət göstərən kino və televiziya ustalarının yaradıcı əməyinin stimullaşdırılması, eləcə də ictimaiyyətin turizm sahəsinə diqqətinin artırılması məqsədilə keçirilir. Gələcəkdə festivalın ənənəyə çevriləcəyini deyən nazir belə festlvalların ölkədə turizmin inkişafına mühüm töhfə verəcəyinə əmin olduğunu bildirdi. Prezident İlham Əliyevin turizmin inkişafına göstərdiyi böyük diqqət və qayğını xatırladan nazir qeyd etdi ki, həmin diqqət və qayğı sayəsində bu sahənin inkişafı üçün əlverişli şərait yaranıb. Bunun nəticəsində son illər yeni, müasir turizm obyektləri, mehmanxana kompleksləri tikilib istifadəyə verilib. Həmçinin, son beş ildə Mədəniyyət və Turizm Nazirliyi Londonda, Moskvada, Berlində, Nyu-Yorkda, Tokio, Bəhreyn, Küveyt, Milan, Madrid, Vyana, Dubay və digər şəhərlərdə keçirilmiş beynəlxalq turizm sərgilərinin fəal iştirakçısı olub. Həmin sərgilərin iştirakçıları və ziyarətçilərinə ölkəmizin turizm imkanları haqqında maraqlı filmlər, reklam çarxları nümayiş etdirmişdir.

Festivalda nümayiş etdiriləcək audiovizual məhsullar (sənədli, televiziya, mənzərə filmləri, reklam çarxları və s.) barədə də məlumat verildi. Bildirildi ki, festivala dövlət hesabına, həmçinin, müstəqil studiyalar, prodüsser mərkəzləri, televiziya şirkətləri və digər hüquqi, fiziki şəxslər tərəfindən istehsal olunan 60-a yaxın audiovizual əsər təqdim edilib. Onlardan 37-si festivalda iştirak etmək hüququ qazanıb. Qeyd olundu ki, audiovizual əsərlərə «İbrus» teatrında baxış keçiriləcək. Əsərlər kinorejissor Oqtay Mirqasımov, operator-rejissor Nizami Abbas, kinorejissor Oqtay Babazadə, rejissor Nəsimi Əliyev, prodüsser Cavid İmamverdiyev, «Diqital aqe» şirkətınir direktoru Toğrul Əfəndiyev, «Azerbaijan review» turizm jurnalının baş redaktoru Larisa Cavanşirin təmsil olunduğu münsiflər heyəti tərəfindən qiymətləndiriləcək.

Nominasiyalara gəlincə, ən yüksək mükafat «Qran-pri»dirQızıl səyyah»). Qalibə 3 min manat veriləcək. «Ən yaxşı sənədli mənzərə filmi», «Ən yaxşı etnoqrafiya filmi», «Ən yaxşı televiziya verilişi», «Ən yaxşı reklam çarxı», «Ən yaxşı rejissor işi», «Ən yaxşı operator işi» isə müvafiq olaraq 1000 manat məbləğində mükafatlandırılacaq.

Əsas mükafatlardan əlavə, ayrı-ayrı qurumların təsis etdikləri ödüllər təqdim olunacaq.

Mətbuat konfransında, həmçinin, sentyabrda keçirilən 1-ci Turizm Filmləri Festivalından videogörüntülər nümayiş olundu. Sonda bir qrup yaradıcı insan - Vaqif Mustafayev, Yusif Quliyev, Rafiq Quliyev, Nadir Mehdiyev, Nizami Abbas başqaları müxtəlif ölkələrdə keçirilən film müsabiqələrində qazandığı uğura görə mükafatlandırıldı.

 

Mərkəz.- 2007.- 11 dekabr.- S. 11.