Bir ünvanda iki barelyef   

 

Bəstəkar Emin Sabitoğlunun 70 illik yubileyi qeyd edilmişdir

 

AzərTAc xəbər verir ki, dekabrın 18-də bəstəkar, xalq artisti, professor Emin Sabitoğlunun 70 illik yubileyi münasibətilə vaxtilə yaşadığı evin divarında xatirə lövhəsi açılmışdır.
İndi bu ünvanda ata oğulun - Sabit Rəhmanla Emin Sabitoğlunun qranitdən hazırlanmış barelyefləri qoşa dayanmışdır.
Mərasimdə çıxış edənlər bildirmişlər ki, Prezident İlham Əliyevin müvafiq sərəncamı ilə açılan bu barelyef həm mərhum bəstəkarın 70 illik yubileyinə bir töhfədir.
Natiqlər Emin Sabitoğlu ilə bağlı xatirələrini bölüşmüş, onun qəlbləri oxşayan melodiyalarından danışmış vurğulamışlar ki, bu melodiyalar qədər sadə yığcamdırsa, bir o qədər təsirli, cazibədardır.
Həmin gün Azərbaycan Dövlət Musiqili Komediya Teatrında Emin Sabitoğlunun 70 illik yubileyinə həsr olunmuş gecə keçirilmişdir.
Gecədə mədəniyyət turizm nazirinin müavini Ədalət Vəliyev, Azərbaycan Yazıçılar Birliyinin sədri, xalq yazıçısı Anar başqaları bildirmişlər ki, XX əsr Azərbaycan musiqisi tarixində layiqli irs qoyub getmiş, bizə neçə-neçə nəğmələr bəxş etmiş ölməz sənətkarlarımızdan biri Emin Sabitoğludur. Görkəmli dramaturq Sabit Rəhmanın ailəsində dünyaya göz açmış Emin Sabitoğlu musiqi təhsilini Üzeyir Hacıbəyov adına Azərbaycan Konservatoriyasının nəzdindəki orta musiqi məktəbində (indiki Bülbül adına məktəbdə) almış, 1954-cü ildə konservatoriyada, Qara Qarayevin sinfinə daxil olmuşdur. E.Sabitoğlu 1957-1961-ci illərdə təhsilini P.İ.Çaykovski adına Moskva Dövlət Konservatoriyasında davam etdirmişdir.
Vurğulanmışdır ki, Emin Sabitoğlu poetik mətnə xüsusi bir həssaslıqla yanaşmış, Azərbaycan şairlərinin şeirləri ilə yanaşı, şifahi xalq ədəbiyyatı nümunələrindən - bayatılarımızdan da olduqca məharətlə yararlanaraq ölməz musiqi əsərləri yaratmışdır. Bəstəkar heç zaman sözü musiqinin xatirinə təhrif etməmiş, əksinə, şeirin bütün gözəlliyini, məna incəliklərini qabartmağa çalışmışdır.
Diqqətə çatdırılmışdır ki, E.Sabitoğlu mahnıları istər məzmun, istərsə üslub baxımından müxtəlifdir. Burada məzəli nəğmələr, əmək qəhrəmanlarını vəsf edən nümunələr, lirik mahnılar da vardır.
Emin Sabitoğlunun mahnılarının dillər əzbəri olduğunu deyən natiqlər vurğulamışlar ki, 1970-ci ildə "Bizim Cəbiş müəllim" bədii filminə musiqi bəstələyən sənətkar sonradan 20-dən artıq kino əsərinə musiqi yazmışdır. Qaçaq Nəbi filminin musiqisinə görə bəstəkara respublika Dövlət mükafatı verilmişdir.
Bidirilmişdir ki, beş yüzə qədər mahnının müəllifi olan E.Sabitoğlunun 70 illik yubileyi ərəfəsində yazıçı-publisist Südabə Sərvi tərəfindən "Bu dənizin gözü yaşlı sənsiz" adlı kitab da nəşr edilmişdir. Kitaba Emin Sabitoğlu haqqında xatirələr, məqalələr müsahibələr daxildir.
İncəsənət ustaları bəstəkarın mahnılarını ifa etmişlər.
Sonda sənətkarın qızı Ceyran Mahmudova atasının xatirəsinin əbədiləşdirilməsinə diqqət qayğıya görə ölkə rəhbərliyinə gecənin təşkilatçılarına minnətdarlığını bildirmişdir.

 

Azərbaycan.- 2007.- 19 dekabr.- S. 6.