Samirə

 

“İbRus”un Fransa fəthi

 

"İbRus" Teatrının kollcktivinin Fransanın Marsel şəhərində yerləşən və teatr sənətinin tədqiqi ilə məşğul olan "Turski" teatrında çıxışının nəzərdə tutulması barədə xəbər vermişdik. Rüstəm İbrahimbəyovun rəhbərlik etdiyi kollektivin budəfəki səfəri barədə məlumatı teatrın əməkdaşı Valentina Reznikovadan aldıq: "Öncə Fransada yaşayan azərbaycanlılar da daxil olmaqla sənətsevərlər Oleq Səfərəliyevin "Əlvida, cənub şəhəri" filmini seyr etdilər. Film Ülviyyə Axundova tərəfindən fransızca titrlərlə təchiz edilmişdi. Səhərisi gün isə Mehriban Zəki, Fuad Poladov, Mələk Abbaszadə və Sadıq Əhmədovun təqdimatmda "Arabir görüşmək üçün kişi axtarıram" səhnə əsəri oynanıldı. Rüstəm İbrahimbəyovun qələmə aldığı və Rafiq Əliyevlə birlikdə quruluş verdikləri bu tamaşanın dialoqlarını da seyrçilər xüsusi qulaqlıqlar vasitəsilə fransız dilində dinləyirdilər.

Qeyd etməliyəm ki, əksəriyyəti fransızlar və çar Rusiyasından ınühacirət etmiş insanlardan ibarət olan auditoriya  tamaşanı  çox gözəl  qarşıladı.

Hənı də bu barədə təkcə sürəkli alqışlardan yox, tamaşadan sonra təşkil edilmiş görüşün gedişatından da əmin olmaq mümkün idi".

Həmin görüşdə isə tamaşaçılar onlara tanış olan Azərbaycan adlı ölkənin mədəniyyəti ilə tanışlıq imkanından məmnun olduqlarını ifadə edib, sənətimizi yüksək qiymətləndirdiklərini deyiblər. Xoş təsadüfdən "İbRus"ün qastrolu "Turski" teatrının rəhbəri Rişar Martenin təşəbbüsü ilə keçirilən Aralıq dənizi ölkələrinin teatrlarının ənənələrinin öyrənilməsinə həsr olunmuş simpozium-seminarla bir vaxta təsadüf etmişdi. Seminarda iştirak edən tanınmış teatrşünäslar, teatr tənqidçiləri aktyorlarımızın sənətkarlığının bilavasitə şahidi olaraq peşəkar kimi fıkirlərini bildiriblər.

V.Reznikova: "Teatr sənətinin ekspertləri aktyorlarımızın ifasını dünya miqyasında tanınmış sənətkarların iş üslubu ilə müqayisə etdilər. Məsələn, Fuad Poladovun oyun tərzində Meyerxold sisteminin elementlərini gördülər, ümumilikdə "İbRus"un timsalında Azərbaycan teatr ənənəsinin özgünlüyünü vurğuladılar.

Dünyanın bir neçə ölkəsində kifayət qədər yaxşı tanınan Rüstəm İbrahimbəyovun çoxsaylı suallara cavabları isə ayrıca mövzudur. Məhz bu cavablar sayəsində Fransa sakinləri ölkəmizin və xalqımızın özünəxas keyfiyyətləri barədə müfəssəl məlumat aldılar. Əmin oldular ki, neft Azərbaycanın heç də ən başlıca sərvəti deyil"...

 

Həftə içi.- 2007.- 6 dekabr.- S. 8.