Cavanşir Quliyev Oğuznaməni
yekunlaşdırıb
Bəstəkar indi də "Şəhriyar" kantatası
üzərində çalışır
Ötən il Şimali
Kipr Türk Respublikasında pedaqoji fəaliyyətə başlayan
bəstəkar Cavanşir
Quliyev qış tətilini keçirmək
üçün vətənə
qayıtmışdı. Hazırda
ŞKTR-nin Yaxın Doğu Universitetinin "səhnə sənəti"
fakültəsinin professoru
olan bəstəkarla söhbətimizdə öyrəndik
ki, "Oğuznamə"
adlı balet üzərindəki işini
artıq yekunlaşdırıb.
Bəstəkar tamaşanın
hansı teatrda və nə vaxt nümayiş etdiriləcəyi barədə
qəti fikrə gəlmədiyini söylədi.
Bundan başqa C.Quliyev həmçinin
"Şəhriyar" kantatası
üzərində çalışır.
"Türkiyədə yaşayan cənublu soydaşlarımızdan birinin
xahişi ilə dahi şairə musiqi əsəri həsr etmək istəyim üst-üstə düşdü.
Həmyerlimiz Şəhriyarın
əsərlərini mənə
təqdim etməklə
bu işə böyük köməklik
etmiş oldu. Artıq kantatanın hazırlıq mərhələsinə
başlamışam,"- deyən
bəstəkar qeyd etdi ki, "Tufan" adlı yeni balet barədə
də düşünür.
Cavanşir bəy əlavə etdi ki, akademik musiqi
sahəsində onun meydana çıxarmaq istədiyi növbəti mövzu böyük tufan və Nuh
peyğəmbərin gəmisi
ilə bağlı əfsanə və rəvayətlərdir":: "Librettonun müəllifi vaxtilə Anna Axmatovanın Rusiyanın 5
ən yaxşı gənc şairi sırasında adını
çəkdiyi Alla Axundovadır." Söhbət
zamanı bəstəkar
böyük planlarından
bəhs edərkən
"Dədə Qorqud"
dastanı əsasında
12 gün davam edəcək balet tamaşası yazmağı
arzuladığını
qeyd etdi":: "Ola bilər ki, bu baletin
yazılmasına qalan
ömrümün hamısı
sərf olunsun. Amma ümid edirəm ki, arzuma çata biləcəyəm" deyən
bəstəkar onu da qeyd etdi
ki, son zamanlar
Dədə Qorqudun şəxsiyyəti və
onunla bağlı hadisələrə fərqli,
daha doğrusu, hərtərəfli baxışlar
yaranıb. Söhbətin
sonunda bəstəkar kantata və baletlərinin Azərbaycan
səhnəsində də
ifa edilməsini çox istədiyini qeyd etdi və
eyni zamanda, təəssüfləndi ki,
çox zaman istəklə, imkan və şəraitin düz gəlməsi müşkülə çevrilir.
Üç nöqtə.-2007.-21 fevral.-S.13.