Turanə

Neftçala rəssamlarının əsərləri Bakıda nümayiş olımur

Mədəniyyət və Turizm Nazirliyi və Regionların İnkişafına ictimai Dəstək Mərkəzi İctimai Birliyinin təşkilatçılığı ilə Neftçaladan olan rəssamların əsərləri Səttar Bəhlulzadə adına Mərkəzi Sərgi Salonunda nümayiş etdirilir.

Tədbirdə nazir Əbülfəs Qarayev regionların iqtisadi-sosial inkişafı üçün Nazirliyin də mədəniyyət sahəsində islahatlar həyata keçirdiyini bildirib. Nazir qeyd edib ki, regionlarda baş verən müsbət yaradıcı proseslərdən ictimaiyyəti geniş şəkildə məlumatlandırmaq lazımdır. O, müxtəlif teatr və musiqi kollektivlərinin bölgələrə səfərlərindən, bir neçə gün əvvəl vüsət alan "Klassik musiqi festivalı"ndan, paytaxt rəssamlarının işlərinin bölgələrdə sərgilənməsindən söhbət açıb.

Regionların İnkişafına İctimai Dəstək Mərkəzi İctimai Birliyinin sədri Soltan Həmid Məlikov tədbiri Azərbaycan incəsənəti tarixində fövqəladə hal kimi dəyərləndirib. O sərgini Neftçala rəssamlıq məktəbinin rəsmi təqdimatı adlandırıb. "Həmişə məhşur xalçalarımızla fəxr etmişik. Azərbaycan regionları Şirvan, Gəncə, Quba xalçaları ilə təmsil olunub. Bu gün isə bu tanıtıma Azərbaycan təsviri sənətinin nümayəndələri qoşulur".

Sərgidə Neftçala rəssamlıq məktəbinin yaradıcısı olan Adil Hacıyev, Ağayar Baxşıyev, Aqşin Kazımov, Əlibəy Məhərrəmov və s. rəssamların əsərləri nümayiş olunur.

Yeni Azərbaycan.- 2007.- 8 fevral.- S. 8.