Muğamın müasir miniatür və yeni baletlə sintezi

Beynəlxalq layihə çərçivəsində çəkilən film məhz bundan bəhs edir

“Muğamın ekranlaşdırılması” beynəlxalq layihəsi çərçivəsində nəzərdə tutulan növbəti filmin istehsalı başa çatıb. Kinorejissorlar Gildiyası, YUNESKO və Açıq Cəmiyyət İnstitutu Yardım Fondunun təşkilatçılığı ilə ərsəyə gələn film Pünhan Həsənlinin qısametrajlı “Süni bənövşələr” eksperimental ekran əsəridir.

Kinorejissorlar Gildiyasının mətbuat xidmətindən verilən xəbərdə bildirilir ki, film rejissorun muğama fərqli və qeyri-ənənəvi baxışı olaraq muğamın müasir miniatür və yeni baletlə sintezindən ibarətdir. Ekran əsəri “Film” Prodüser Mərkəzində istehsal olunub.

Qeyd edək ki, “Muğamın ekranlaşdı

rılması” beynəlxalq layihəsinin birinci filmi Kinorejissorlar Gildiyası və Belçikanın “Michel de Wouters Productions” studiyasının birgə istehsalı olan ilk Azərbaycan-Belçika müştərək filmidir. Bu film belçikalı rejissor Kris Delvilin muğam ustası Fərqanə Qasımovanın həyat və yaradıcılığına həsr olunmuş “Düşüncələrlə keçən günlər” (The meditation of the days) layihəsidir. Sözügedən layihənin reallaşmasına Mədəniyyət və Turizm Nazirliyi də maliyyə yardımı göstərib. Hazırda film Belçikada montaj və səsləndirmə ərəfəsindədir. Layihənin rəhbəri və hər iki filmin prodüsseri Hüseyn Mehdiyevdir.

Gundəlik Azərbaycan.-2007.-2 fevral.-S.14.