Mütəllimova S.

Qərar uğur qazandı

Şəhadətnamələri Mədəniyyət və Turizm naziri Əbülfəs Qarayev təqdim etdi

Dünyanm sivil kino aləminə daxil olmağın mühüm və vacib şərtlərindən biri müxtəlif yaradıcı təşkilatlarda istehsal olunmuş fılmlərin dövlət reyestirində qeydiyyata alınaraq leqallaşdınlmasıdır. Təxminən 3 ay öncə, elan edilən birgə əməkdaşlıq haqqında layihə artıq gerçəkləşmişdir. Mədəniyyət və Turizm Naziriiyi kino şöbəsinin nəzdində fılmlərin dövlət reyestri bölməsi fəaliyyət göstərir. Bölmənin fəaliyyəti Azərbaycanın bütün kinoyayımı sistemində və televiziya kanallarında yayımlanan fimlərin dövlət tərəfındən qeydiyyatını aparmaqdan ibarətdir. Həmin bölmənin işə düzgün münasibətinin nəticəsidir ki, artıq bu proses başa çatmaq üzrədir. Mədəniyyət və Turizm Nazirliyində keçirilən tədbirdə nazir Əbülfəs Qarayev televiziya şirkətlərinin və prodüser mərkəzlərinin rəhbərlərinə mart ayının əvvəllərindən Azərbaycan teleməkanında yayım hüququ qazanmış filmlərin yayım şəhadətnamələrini təqdim etməzdən əvvəl qeyd etdi ki, ilk öncə biz düşünürdük ki, bu iş böyük maneələrlə, anlaşılmazlıqlarla müşayiət olunacaq. «Lakin deyim ki, sizin səylərinizin, telekanallar rəhbərlərinin bu işə düzgün münasibətinin nəticəsi olaraq, bu proses artıq tamamlanmaqdadır. Söz verdiyim kimi, mart ayının əvvəllərindən artıq Azərbaycan teleməkanında nümayiş olunacaq bütün filmlər dövlət reyestrindən keçmiş olacaq. Biz bir tərəfdən dünya bazarına sübut edirik ki, Azərbaycanda yayımlanan filmlərin hamısı rəsmi qeydiyyatdan keçirilib və burada heç bir piratçılıq iddiası da ola bilməz, digər tərəfdən isə öz əhalimizin qarşısında mənəviyyatımıza, adət-ənənələrimizə hansısa zorakılığa və Azərbaycanın bugünkü durumuna zidd olan filmlərin nümayişi və onların tənzimlənməsi tam qanunauyğun olaraq həyata keçiriləcəkdir». Təqdimatın Prezident İlham Əliyevin göstərişinə əsasən həyata keçirilən tədbirlər çərçivəsində reallaşdığını diqqətə çatdıran nazir Ə.Qarayev bildirdi ki, kino sahəsində çox cəsarətli və vaxtında atılmış bu addımı bəlkə də, bizim, kiçik də olsa, nailiyyətimiz hesab etmək olar. Digər tərəfdən, heç kəs gözləməməlidir ki, biz bu işi davam etdirəcəyimiz zaman hər şey çox hamar gedəcək və bütün filmləri qısa müddətdə qeydiyyatdan keçirəcəyik. Bu, mümkünsüz bir şeydir. Çünki biz elan verməzdən qabaq əldə olunmuş filmlərin sırasında bayaq qeyd etdiyim müəmmalı, müəyyən qədər mənəviyyatımıza zidd olan filmlərin sayı olduqca çoxdur. Biz onlara müəyyən bir amnistiya verərək, vaxtı uzadırıq ki, onların da qeydiyyatı tədricən həyata keçirilsin. Sözsüz ki, bu, böyük bir vəşaitin döriyyəsinə təsir göstərən amildir. Onä görə də mən istisna etmirəm ki, bəlkə gələcəkdə hansısa ziddiyyətlərimiz də ola bilər, problemlərimiz də. Məni sevindirən odur ki, bizim hətta televiziya şirkətlərinin rəhbərləri bu işə çox böyük məsuliyyətlə yanaşaraq, buna tam vicdanla -konüllü olaraq gedirlər və digər şirkətlərin nümayəndələrinə və rəhbərlərinə çox gözəl bir nümunə göstərirlər. Ümidvaram ki, biz gələcəkdə də bu işi prodüser mərkəzlərinin fəaliyyəti ilə, audio-vizual məkanda olan satış sistemi fəaliyyətini tənzimləməyə başlayanda sizin nümunəniz onlara müsbət təsir göstərəcək. Azərbaycanda kino yayımının çox dağınıq olmasına baxmayaraq, bu sahənin əlverişli və gəlirli biznesə çevrilməsi bu gün vacibdir.

Yayım şəhadətnamələrinin respublikamızda hazırlanmasına baxmayaraq, bunlar qoruyucu nişanlarla təmin olunur. Bu sistem dünyada tətbiq olunan dövlət reyestrlərinin tətbiqinə uyğunlaşdırılıb. Başqa ölkələrin təcrübələrinin müəyyən nöqsanları nəzərə alınaraq, əngəllərdən uzaq olan bir formanın tətbiqinə nail olunmuşdur. Bazarın tənzimlənməsi və stimullaşdırılması üçün əsas meyar o idi ki, filmlər dövlət qeydiyyatından keçirilərkən heç bir şirkətdən vəsait alınmasın. Bunun birinci addım olduğunu söyləyən nazir, qeyd etdi ki, gələcəkdə filmlər gətirilərkən rəmzi olaraq müəyyən vəsait dövlət hesabına keçiriləcək. Eyni zamanda istehsalçıların özlərinə təqdim oiunan yayım şəhadətnaməsi onların müəllif huquqlarının qorunması üçün hazırlanan vərəqədir. Əgər kino istehsalçısı çəkdiyi əziyyətin bəhrəsini görmək və müəyyən vəsait qazanmaq istəyirsə, eyni yayım vərəqəsini əldə etməlidir ki, bu vəsait yayım vərəqəsinin üzərində qeyd olunsun. Filmlərin qeydiyyatdan keçirilməsi işi bu il martın axırlarınadək başa çatdırılacaqdır. Tədbirdə nazir Ə.Qarayev teleşirkətlərin və prodüser mərkəzlərinin nümayəndələrinə qeydiyyatdan keçirilən filmlərin şahədətnamələrini təqdim etdi. Sonda nazir jurnalistlərin suallarını cavablandırdı. O, xalqımızın ictimai-siyasi həyatında, mədəniyyətimizin inkişafında böyük rol oynayan və dolğun fəaliyyəti ilə milli sərvətə çevrilən Azərbaycan teatrının maddi-texniki bazasının gücləndirilməsi, yaradıcılıq potensialının dirçəldilməsi və teatr təhsili siteminin yaxşılaşdırılması məqsədilə Azərbaycan Respublikası Prezidentinin 19 fevral 2007- ci il Sərəncamına istinad edərək qeyd etdi ki, hazırda üç teatrda - Azərbaycan Dövlət Gənc Tama-şaçılar, Azərbaycan Dövlət Rus Dram, Azərbaycan Dövlət Kukla teatrlarında yenidənqurma və bərpa işlərinə başlanılıb. Qalan iki teatrın - Azərbaycan Dövlət Akademik Milli Dram və Azərbaycan Dövlət Akademik Opera və Balet teatrlarının da müasir tələblərə uyğun əsaslı təmir-bərpa və yenidənqurma işlərinə mövsümün sonunadək başlanacaqdır. Bu yaxınlarda imzalanmış təyinatlı investisiya kapital qoyuluşu bölgüsünə görə bu işlərin görülməsinə təxminən 25 milyon manata qədər vəsait xərclənəcək. Qalan işlərin görülməsi üçün ayrılacaq vəsait gələn ilin büdcəsində nəzərdə tutulub.

Azərbaycanda yeni Xalça Muzeyinin və Muğam Mərkəzinin tikintisinə başlanılıb. Dövlət Film Fondunun və «Nizami» kinoteatrının, eyni zamanda Gəncə və Mingəçevir teatrlarının əsaslı təmir-bərpa və yenidəndən qurulmasına başlanılmışdır. Cənab Prezidentin tapşırığı ondan ibarətdir ki, qısa vaxt ərzində Azərbaycan mədəniyyətinin infrastrukturu çox ciddi səviyyədə və sürətlə inkişaf etdirilsin.

Mədəniyyət.- 2007.- 23 fevral.- S. 2.