Nəzakət

 

 

"Bu meydan, bu ekran!"

Müsabiqə filmlərin istehsalı, təbliği, istedadlı gənc sənətçiləri

aşkar etmək, kinoda rəqabət tendensiyalarını gücləndirmək məqsədi daşıyır

 

Azərbaycan Mədəniyyət və Turizm Naziri Əbülfəs Qarayev Muzeylər Mərkəzində mətbuat nümayəndələri ilə görüş keçirdi. Tədbiri giriş sözü ilə açan nazir ilk olaraq 2 Fevral Gənclər Günü münasibəti ilə bütün Azərbaycan gənclərini təbrik etdi və mətbuat konfransının bu günə təsadüf olunmasının da elə bayram günü ilə əlaqədar olduğunu vurğuladı. Əbülfəs Qarayev bildirdi ki, zəngin sütunlar üzərində formalaşan mədəniyyətin inkişafı, məhz gənclərlə bağlıdır. Odur ki, gənclərə hər zaman dövlət tərəfindən diqqət qayğı göstərilir.

Əbülfəs Qarayev nazirlik tərəfindən həyata keçirilən iki layihə ətrafında söz açılacağını bildirdi. Onlardan biri "2007-2010-cu illərdə kinematoqrafiya sahəsində gənclərin yaradıcılıq fəaliyyətinin inkişaf proqramı" əsasında hazırlanan layihədir. Digər layihə isə "Lider" teleşirkətində həyata keçirilən uğurlu sonluqla bitən "Akademiya"dır.

"Azərbaycan kinosu sahəsində yeni layihənin hazırlanması ekspromt xarakter daşıyır. Son illə qədər Azərbaycanda prodüser anlayışı işlədilmirdi. Təbii ki, onun fəaliyyətinin geniş imkanları da bizə xırdalıqlarına qədər məlum deyidir. Bu yaxınlarda Milli Məclisdə teatrla bağlı məsələ müzakirə olunarkən, prodüser mərkəzlərinin yaradılması qənaətinə gəlinmişdir. Prodüser mərkəzləri Azərbaycan kinemotoqrafiya sahəsinə aiddir".

Milli kino, onun bugünü gələcəyi üçün yaradıcı gənclərlə işinin son dərəcə aktual olduğunu nəzərə alaraq, 2007-2010-cu illərdə bu fəaliyyətin əhəmiyyətli şəkildə genişləndirilməsi nəzərdə tutulur. "2007-2010-cu illərdə kinematoqrafiya sahəsində gənclərin yaradıcılıq fəaliyyətinin inkişaf proqramı" çərçivəsində kinonun ayrı-ayrı qolla üzrə kompleks tədbirlər həyata keçiriləcəkdir. Proqram filmlərin istehsalı, onların yayımı, təbliği, həmçinin, kino tənqidi sahələrinda çalışan gənc mütəxəssislərə özlərini sınamaq üçün imkan vermək, onların fəaliyyətində stimul yaratmaq, daha istedadlı gənc sənətçiləri aşkar etmək, audiovizual məhsul istehsalı ilə məşğul olan şirkətlərə dəstək vermək eyni zamanda, kinoda rəqabət tendensiyalarını gücləndirmək məqsədi daşıyır. 2007-ci il fevralın 9-da "Bu meydan, bu ekran" bədii filrn layihələri müsabiqəsi elan olunacaq.

Müsabiqəyə prodüser mərkəzləri, film istehsalı şirkətləri tərəfindən istənilən janr, format, uzunluqda olan layihə təqdim edilir. Filmin büdcəsi 30 min manatdan artıq olmamalı, qalib şirkət filmi çəkib qurtardıqdan sonra, onun bazar festival distribüsiyasını həyata keçirməli altı ay ərzində filmin xərclərinin 30 faizini qaytarmalı yaxud beynəlxalq kinofestivallarda professional mükafatı qazanmalıdır.

Əbülfəs Qarayev bildirdi ki, müsabiqəyə mayın 10-na qədər yekun vurulmalı layihənin beş qalibi müəyyənləşdirilməlidir. Həmin layihələri təqdim edən şirkətlər cari ilin sonuna qədər Mədəniyyət Turizm Nazirliyinin sifarişi ilə filmlərin istehsalını həyata keçirəcək.

Nazirliyin 2006- ildə başladığı layihə çərçivəsində "EXA-prodakşn", "Azvideo", "Dərviş"

şirkətləri tərəfindən cari ilin yanvar-iyun aylarında gənc rejissorların quruluşunda qısametrajlı bədii filmlərin istehsal edilməsi nəzərdə tutulub.

Nazir bildirdi ki, "Bu meydan, bu ekran!" bədii film layihələri müsabiqəsinin məqsədi kino yaradıcılığına istedadlı gəncləri cəlb etmək, onlara kinoda özlərini sınamaq üçün imkan vermək, eləcə də film istehsalı ilə məşğul olan şirkətlər arasında rəqabət və fəaliyyətləri üçün stimul yaratmaq məqsədilə Azərbaycan Respublikası Mədəniyyət və Turizm Nazirliyi tərəfindən keçirilir. Müsabiqədə 37 yaşına qədər olan kinematoqrafçılar iştirak edə bilərlər.

Dövlət hesabına çəkilan filmlərin maliyyə vəsaitinə sərf olunmasında bazar iqtisadiyyatı dövründə yaşadığımıza görə, prodüser mərkəzlərinin üzərinə böyük məsuliyyət düşür. Azərbaycanda hazırda 10-15 prodüser mərkəzi fəaliyyət göstərir. Nazirlik tərəfindən həmin müəssisələrə imkan yaradılır ki, öz işlərini stimullaşdırıb, formalaşdırsın.

Müasir dövrümüzdə şou-biznesin kifayət qədər qənaətbəxş olmadığını nəzərə çatdıran nazir

mədəniyyətdən uzaq olan proseslərin baş verdiyini vurğuladı. Şou-biznes aləminə yenicə qoşulmuş gənc istedadlara dövlət səviyyəsində qayğı göstəriləcək onlara şərait yaradılacaq ki, dövlət tədbirlərində çıxışlar etsinlər. Məqam yetişdikcə isə, kliplərinin çəkilməsinə nəzarət olunacaqdır.

Əbülfəs Qarayev qeyd olunan layihələr ətrafında fikirlərini mətbuat nümayəndələri ilə bölüşdükdən sonra, "Akademı'ya" müsabiqəsində qalib olan gəncləri mükafatlandırdı. Nazirliyin qərarı ilə dörd gənc istedada mükafat təsis edilmişdir. "Qranpri" Zülfiyyə Xanbabayevanın tələbəsi Şakir Mərdanova təqdim olundu. Müsabiqədə birinci yerə Aygün Kazımovanın yetirməsi olan Aytən Cəfərova, ikinci yerə İradə İbrahimovanın tələbəsi Xəyyam Mustafayev, üçüncü yerə isə Samirə xanımın tələbəsi Rumil Mustafayev layiq görüldülər.

Nazir çıxışının sonunda bir daha Gənclər Günü münasibətilə bütün Azərbaycan gənclərini təbrik edib, onlara uğurlar arzuladı.

 

Səs.- 2007.- 3 fevral.- S. 12.