Aslan A.
Soyqırımın
15-ci ildönümü ilə bağlı tədbirlər
davam edir
Prezidentin İcra Aparatının rəhbəri Ramiz Mehdiyev
Xocalı soyqırımının 15-ci
ildönümünün qeyd olunması ilə bağlı
xüsusi tədbirlər proqramı imzalayıb. Proqramda ölkənin yerli və mərkəzi
icra orqanlarına soyqırımının anılması,
bununla bağlı müxtəlif tədbirlərin
keçirilməsi, Xocalı
sakinlərinə diqqət,
qayğının göstərilməsi
tapşırığı verilib.
Sənəddə eyni
zamanda xarici ölkələrdə soyqırımı
ilə bağlı informasiya-təbliğat işlərinin aparılması
da əksini tapıb. Azərbaycanın
xarici ölkələrdəki
səfirliklərinə və
Xarici Ölkələrdə
Yaşayan Azərbaycanlılarla
İş üzrə
Dövlət Komitəsinə
diaspor təşkilatları
ilə birlikdə müxtəlif tədbirlərin
keçirilməsi tapşırığı
verilib.
XÖYAİDK-nın mətbuat
xidməti proqrama uyğun olaraq, komitənin təşkilatçılığı
ilə keçiriləcək
tədbirlərlə bağlı
açıqlama yayıb.
Komitədən "Ekspress"ə
bildirildiyinə görə,
fevralın 25-də
"Azəri" Yeni
Zelandiya-Azərbaycan Dostluq Cəmiyyəti tərəfindən bu ölkədəki Azərbaycan
icması və türkdilli xalqların diaspor təşkilatlarının,
yerli ictimaiyyətinin və KİV nümayəndələrinin
iştirakı ilə
soyqırımın 15 illiyinə həsr olunmuş tədbir keçiriləcək. Mərasimdə
yerli ictimaiyyətə
və ölkə rəhbərliyinə bu hadisələrə düzgün
qiymət verilməsi tələbiylə müraciətin
qəbul edilməsi nəzərdə tutulub.
Xocalı qurbanları
Avstraliyada da anılacaq. Avstraliya Azərbaycanlıları Cəmiyyəti tərəfindən
təşkil olunacaq Xocalı soyqırımı
və Ermənistanın
Azərbaycana təcavüzünü
qınayan tədbir bu ölkənin Sidney şəhərində
fəaliyyət göstərən
Türk və İraq Türkmənləri
icmalarıyla birgə
keçiriləcək.
Qırğızıstanda fəaliyyət
göstərən Azərbaycan
icması da türk diasporu ilə birgə Xocalı soyqırımının
ildönümü ilə
bağlı tədbir
keçirəcək. Qazaxıstan,
Özbəkistan və
Tacikistanda da anoloжi tədbirlər
olacaq.
"26 fevral tarixi Türk dünyası və Azərbaycan üçün acı günlər olmaqla yanaşı, insanlıq tarixində sözün əsl mənasında qara səhifədir". Bu fikirləri isə Türkiyə Böyük Millət Məclisində çıxışı
zamanı İqdır
millət vəkili Dursun Akdemir söyləyib.
Dursun Akdemir 15 il öncə ermənilərin Xocalıda
yüzlərlə azərbaycanlını
vəhşicəsinə qətlə
yetirməsinin heç
zaman unudulmayacağını
bildirib. Onun sözlərinə görə,
ermənilər tərəfindən
insanlıq tarixinə
yazılmış bu qara səhifə demokratiyanı dəstəkləyən
dövlətləri çox
düşündürməli və utandırmalıdır.
Akdemirin dünya ictimaiyyətinin bu vəhşiliyə qarşı
biganə qalmasından
da təəssüfləndiyini
bildirib. "Hesab edirəm ki, Azərbaycana qarşı törədilən bu haqsızlıqlar Türkiyənin
də üzvü olduğu ATƏT-in Minsk Qrupu
tərəfindən aradan
qaldırılmalı, ədalət
yerini tapmalıdır".
Dünyanın müxtəlif
ölkələrindəki Azərbaycan
səfirlikləri də
fevralın 26-da Xocalı
faciəsinin 15-ci ildönümü
ilə bağlı tədbirlər keçirəcək.
Latviyada "Ocaq" Mədəniyyət Mərkəzi
Azərbaycan səfirliyinin
dəstəyi ilə faciənin ildönümünə
həsr olunan konfrans təşkil edəcək. Səfir Tofiq Zülfüqarov bildirib ki, həmin
gün Latviya mətbuatında Xocalıda
baş verən hadisələrə dair yazıların dərc olunacağı da gözlənilir.
Azər-Çex Cəmiyyətinin "Xocalını
anma mərasimi" adlı tədbirləri isə fevralın 25-dən başlayacaq. Bu barədə cəmiyyətdən APA-ya
verilən məlumata görə, tədbirlər
Xocalı ilə oxşar tarixə malik Çexiyanın Lidiçe qəsəbəsində
keçiriləcək. Məqsəd
çex xalqına və siyasətçilərinə
Xocalı faciəsi ilə bağlı məlumatlar çatdırmaqdır.
Fevralın 26-da isə
Brüsseldə Avropa Siyasi Araşdırmalar Mərkəzinin yerləşdiyi
"Residens palace"
binasında Heydər Əliyev Fondunun təşkilatçılığı ilə "Təcavüzün
qurbanları" adlı
foto və uşaq rəsmlərindən
ibarət sərgi keçiriləcək.
Bu aradasa Azərbaycan parlamentinin nümayəndə heyəti
Xocalı soyqırımının
15-ci ildönümünə həsr edilən beynəlxalq konfransda iştirak etmək üçün Hollandiyanın
Lahey şəhərinə
gedəcək.
Çikaqonun Нort Park Universitetində də
"XX və XXI əsrlərin
soyqırımları" mövzusunda
seminar keçiriləcək.
Seminarda Xolokost, Kambocada və Ruandada baş vermiş kütləvi qırğınlar kimi tarixi hadisələrlə
yanaşı, "erməni
soyqırımı" haqqında
məruzə dinlənilməsi
də nəzərdə
tutulur. YAP isə seminarın proqramına uydurma "erməni soyqırımı"nın
daxil edilməsi ilə əlaqədar təşkilatçılara etiraz
məktubu ünvanlayıb.
Dünən isə Bakıda Xocalı soyqırımının ildöünümü
ilə bağlı bir neçə tədbir keçirilib. Azərbaycan Qaçqın və Məcburi Köçkün
Gənclər Təşkilatının,
DAK-ın, "Həsrət
Yolu" Əsir və Girovlara Kömək İctimai Birliyinin ayrı-ayrılıqda keçirdikləri
tədbirlərdə Xocalı
soyqırımının dünya
ictimaiyyəti tərəfindən
tanınması üçün
lazımi işlərin aparılmasının
vacibliyi vurğulanıb.
Ekspress.- 2007.- 23 fevral.- S.5.