Zəminə

İctimai televiziyanən növbəti uğuru

İctimai televiziya və radio verilişləri şirkəti 2007-ci ildə ilk uğurlu layihəsinə imza atıb. Telekanalın rejissoru Xürrəm Sultan Türkiyə dövlətindən dəvət alıb və növbəti yaradıcılıq işini orada həyata keçirib. On gün davam edən çəkilişlər ilk cümhurbaşqanı Atatürkün həyat və yaradıcılığına həsr edilib. Rejissor yaradıcı heyətlə İstanbul və Ankaranın tarixi yerlərində olub, eləcə də ziyalıları ilə çəkilişlər aparıb. Onun qonaqları arasında Ülkü Adatepe, Atatürk Dil Tarix Yüksük Qurumunun başkanı Sadiq Tural, yazıçı İlknur Güntürk Kalıpca və başqaları olub.
Eyni zamanda, rejissor ekran işinə sənədli kadrlar, 1915-37-ci illəri əhatə edən foto kadrlar daxil edib. 4 hissəli filmin çəkilişləri artıq yekunlaşıb və İctimai Telekanaldan seyrçilərin ixtiyarına veriləcək.
Sözügedən filmdə yalnız bəstəkar Ülviyyə Vəliyevanın musiqisindən istifadə olunub. Bakı Musiqi Akademiyasının 4-cü kurs tələbəsi olan Ülviyyə Vəliyevanın musiqilərindən buna qədər bir çox tele-layihələrdə istifadə olunub. Ötən il gənc bəstəkarın "Həsrət" adlanan instrumental diski işıq üzü görüb. Hazırda yeni musiqi nömrələri üzərində çalışan Ülviyyə xanımı, eyni zamanda, müğənnilərlə də yaradıcılıq telləri bağlayır.

Ayna.-2006.-1 fevral.-S.8.