Gənclər ilinə həsr
olunan musiqi gecəsi keçirilib
Bakı Musiqi Akademiyasında
"Gələcək gənclərindir"
devizi altında klassik musiqi gecəsi keçirilib.
"Bizim gənclik"
İctimai Birliyinin və Bakı Musiqi Akademiyasının birgə təşkil etdikləri gecəyə bir sıra tanınmış
ictimai xadmlər, dövlət və biznes adamları qatılıblar. Tədbir
xeyriyyə xarakteri daşıdığından uşaq
evlərində məskunlaşan
və valideyn himayəsindən məhrum
olan balacalar da gecəyə qonaq qismində dəvət ediliblər.
"Bizim gənclik"
İctimai Birliyinin sədri Şəmsi Axundov musiqi gecəsinin Gənclər ili çərçivəsində
təşkil edilən
ilk tədbirlərdən
olduğunu bildirib:
"Gənclərimizin daha
uğurlu işlərə
imza atmaları respublikamızın mədəniyyətinin,
incəsənətinin və
digər sahələrin
xarici ölkələrdə
tanınmasına təkan
verəcək. Gənclər
bizim gələcəyimizdir.
Biz də gələcəyimizin inkişafı
üçün gənclərə
hər bir işdə dəstək olmalıyıq". Tədbir
"Şeron" qrupunun,
"Akademiya" və
"Yeni ulduz" müsabiqələri finalçılarının
iştirak etdikləri
konsert proqramı ilə yekunlaşıb.
525-ci qəzet.-2007.-13
fevral.-S.7.