Brüsseldə Xocalı soyqırımının 15-ci ildönümünə həsr olunmuş Təcavüzün qurbanları adlı foto uşaq rəsmlərinin sərgisi təşkil edilmişdir

 

Azərbaycanın Belçika Krallığındakı səfirliyindən AzərTAc-a bildirmişlər ki, Heydər Əliyev Fondunun prezidenti, YUNESKO-nun İSESKO-nun xoşməramlı səfiri, Milli Məclisin deputatı Mehriban xanım Əliyevanın təşəbbüsü fondun dəstəyi ilə fevralın 26-da Brüsseldə Avropa Siyasət Mərkəzinin yerləşdiyi Residence Palace binasında Xocalı soyqırımının 15-ci ildönümünə həsr olunmuş Təcavüzün qurbanları adlı foto uşaq rəsmlərinin sərgisi təşkil edilmişdir.
Sərgiyə Brüsseldə akkreditə olan diplomatik korpusun təmsilçiləri, Avropa İttifaqı qurumlarının rəsmiləri, Avropa Parlamentinin üzvləri, digər beynəlxalq qurumların, qeyri-hökumət ictimai təşkilatların, o cümlədən Benilüks ölkələrindəki Azərbaycan diaspor təşkilatlarının nümayəndələri dəvət olunmuşdular.
Tədbirdə Heydər Əliyev Fondu tərəfindən hazırlanmış Xocalı soyqırımına həsr edilmiş xüsusi sənədli film nümayiş olunmuş, qonaqlara faciə ilə bağlı materiallar paylanmışdır.
Benilüks ölkələrində fəaliyyət göstərən Azərbaycan diaspor təşkilatlarları Ermənistanın Brüsseldəki səfirliyi qarşısında Avropa İttifaqının əsas təsisatlarının yerləşdiyi Şuman meydanında etiraz aksiyaları keçirmiş bəyanat təqdim edilmişdir.
Yerli xarici mətbuat orqanlarının nümayəndələri tədbirləri geniş işıqlandırmışlar.

 

Xalq qəzeti.- 2007.- 27 fevral.- S. 1.