Samirə

İsmayıl Dağıstanlı - 100

Azərbaycanın Qax rayonunda görkəmli teatr xadimi İsmayıl Dağıstanlının (Hacıyev) 100 illik yubileyi qeyd olunub. Azərbaycan teatr və kino sənətində öz yeri olan, SSRİ xalq artisti, iki dəfə dövlət mükafatı laureatı İsmayıl Dağıstanlının yubiley tədbiri Mədəniyyət və Tıırizm Nazirliyi, Qax rayon İcra Hakimiyyətinin dayağı sayəsində baş tutub. Tədbirdə nazir Əbülfəs Qarayev, Qaxın tanınmış mədəniyyət və incəsənət xadimləri iştirak ediblər. S.Vurğun adına Mədəniyyət Evində gerçəkləşən tədbirdə sənətkarın həyat və yaradıcılığını əks etdirən sərgi də təşkil edilib. Tədbirin bədii hissəsində İ.Dağıstanlının yaradıcılığından bəhs olunub, çəkildiyi "Səbuhi", "Qara daşlar" və digər fılmlərdən fraqmentlər göstərilib.

İsmayıl Yusif oğlu Hacıyev 1907-ci ildə Qax rayonunun Zərnə kəndində dünyaya gəlib. Bakı Teatr Texnikumunu bitirdikdən sonra 1926-30-cu illərdə müxtəlif teatrlarda çalışıb. 1939-cu ildə Azərbaycan Dövlət Akademik Dram Teatrının aktyoru olub. Yaradıcılığı boyu müxtəlif xarakterli obrazlar yaradan İ.Dağıstanlı C.Cabbarlının "Yaşar", "Od gəlini", "Solğun çiçəklər", S.Vurğunun “Vaqif”, "Xanlar", İ.Əfəndiyevin "Mahnı dağlarda qaldı", N.Ostrovskinin "Günahsız müqəssirlər", V.Şekspirin "Hamlet", "Otello" vo digər səhnə əsərlərində baş rollarda çıxış edib.

Həftə içi.- 2007.- 8 fevral.- S. 8.