Balerina Leyla
Vəkilovanın xatirəsi anılıb
Opera və Balet Teatrında tanınmış balerina,
SSRİ xalq artisti Leyla Vəkilovanın 80 illik yubileyinə
həsr olunan xatirə gecəsi düzənlənib. L.Vəkilova Azərbaycanın ilk balerinalarından olan Qəmər Almaszadənin
tələbəsidir. O, Opera
və Balet Teatrının truppasının
solisti kimi uzun illər fəaliyyət göstərib.
Milli və klassik baletlərdə unudulmaz obrazlar yaradıb. Tədbirdə çıxış edən
mədəniyyət və
turizm naziri Əbülfəs Qarayev L.Vəkilovanın yaradıcılığından
danışıb: "Leyla
Vəkilova Azərbaycan
balet məktəbinin inkişafında əvəzsiz
rol oynayıb. Ölkəmizdə baletin inkişafında, tanınması
yolunda o, böyük əmək sərf edib. Onun yaratdığı gözəl obrazlar bu gün də
insanların yaddaşındadır.
Bu il yanvarın
29-da onun 80 yaşı
tamam olacaqdı. Bu münasibətlə nazirlik tərəfindən
balerinanın xatirəsinə
həsr olunan tədbir keçirilməsi
qərara alındı".
Sonra teatrda Leyla Vəkilovanın vaxtilə əsas partiyanı ifa etdiyi Əfrasiyab Bədəlbəylinin "Qız
qalası" baleti nümayiş olunub. Baletin quruluşçu rejissoru Fərhad Bədəlbəylidir. Qeyd
edək ki, fevralın 4-də Opera və Baldet
Teatrında Polad Bülbüloğlunun "Eşq
və ölüm"
tamaşası nümayiş
olunacaq. P.Bülbüloğlunun
ad günü münasibətilə oynanılacaq
tamaşada İslam İslamov, xalq artisti Təranə Muradova, Rüfət Xəlilzadə, teatrın
solisti Samir Səmədov çıxış
edəcəklər. "Eşq
və ölüm"də ilk dəfə
olaraq teatrın solisti Yuliya Kalmakova da oynayacaq.
Xatırladaq ki, bu tamaşa 2005-ci ildə Rusiya Akademik Böyük Teatrı və Sankt-Peterburqda Marinsk adına Akademik Opera və Balet
Teatrında göstərilib.
525-ci qəzet.-2007.-2 fevral.-S.7.