Sabantuy Dünya Mədəni İrs siyahısına daxil edilmişdir

Kökü lap qədimlərə gedib çıxan ənənəvi Sabantuy bayramı tatar xalqının milli sərvətidir.
Heydər Əliyev Fondunun prezidenti, YUNESKO-nun xoşməramlı səfiri, Milli Məclisin deputatı Mehriban Əliyevanın təşəbbüsü ilə Sabantuy YUNESKO tərəfindən Dünya Mədəni İrs siyahısına daxil edilmişdir.
Azərbaycanda yaşayan tatarlar öz adət-ənənələrinə ehtiramla yanaşır və bu bayramı hər il qeyd edirlər.
Sabantuy bu il Bakıda iyulun 15-də saat 10-da İ.Qayıbov adına stadionda (Bakıxanov qəsəbəsi) keçiriləcəkdir.
Tatarlar və digər millətlərin nümayəndələri mahnı və rəqslər, müsabiqələr, yarışlar, oyunlar və özfəaliyyət kollektivlərinin çıxışlarından ibarət xalq şənliklərində iştirak edə biləcəklər.
Bayrama çoxlu qonaq, o cümlədən səfirliklərin və beynəlxalq təşkilatların başçıları dəvət edilmişlər.

Azərbaycan.-2007.-3 iyul.-S.4.