Mehdixanlı T.
Ötən əsrin sonlarında - 1988-ci ilin ilk aylarında ermənilər yenidən gördükləri yaxşılıqları
unudub yurd yerlərimizə amansız
, aramsız basqınlar
etdilər. Dinc, silahsız insanları vəhşiliklə qətlə
yetirdilər. Kəndlərə,
qəsəbələrə, şəhərlərə od
vurub yandırdılar.
Milyon nəfərdən artıq
soydaşımız məcburiyyət
qarşısında qalıb
doğma el-obasından didərgin düşdü. Bəs, görəsən nə üçün Qarabağ
problemi indiyə qədər bədii yaradıcılıqda, ekran
əsərlərində öz
təsvirini lazımınca
tapmayıb? Mərhum
Ceyhun Mirzəyevin ekranlaşdırdığı "Fəryad" filmi istisna idi. Bu
mövzuda sənət
nümunələrinə az-az
rast gəlmək olar. Niyə, nə üçün? Axı, qanlı-qadalı hadisələrin
başlamasından 20 ilə
yaxın vaxt keçir?! Unutmamalıyıq:
milli faciəmizin ekran görüntülərini,
təsvirlərini gələcək
nəslə yadigar qoymalı, ərməğan
etməliyik. Baş verən müsibətlər
təkrarlanmasın deyə,
onlar qanlı olaylardan xəbərdar olmalıdırlar.
Yaxın günlərdə
C.Cabbarlı adına
"Azərbaycanfilm" kinostudiyasında
əməkdar artist, məşhur "Əhməd
haradadır?" filmində
sürücü Əhməd
rolunun mahir ifaçısı Elxan Qasımovun quruluş verdiyi "Biz qayıdacağıq" bədii-publisistik filmə baxış olmuşdu. Kinostudiyanın direktoru Xamis
Muradov tədbiri açaraq dedi: "İlk əvvəl sizlərə möhtərəm
Prezident, Ali Baş Komandan cənab İlham Əliyevin qətiyyətli
fikrini xatırlatmaq istəyirəm: "İşğal
altında olan torpaqlarımızın bir
qarışını da
düşmənə verməyəcəyik.
Sülh yolu ilə öz
torpaqlarımızı qaytarmaq
arzusundayıq. Əks
təqdirdə biz hərbi yolla istəyimizə nail olacağıq", Bu amalımıza çatmaq
üçün bütün
imkanlarımız var.
Ölkəmiz iqtisadi cəhətdən inkişaf
etdikcə digər sahələr də tərəqqi tapır.
Baxış mərasiminə
toplaşdığımız "Biz qayıdacağıq"
filmi fikrimin təsdiqi baxımından
xarakterikdir".
Filim məcburiyyət
qarşısında qalıb
ata-baba yurd yerlərindən didərgin
düşən soydaşlarımızın
acı talelərindən
bəhs edir. Onların həyat, yaşayış tərzlərini
göz önündə
canlandırır. Baş
götürüb qaçan
insanların - uşaqların,
ahılların dözülməz
şəraitləri ekranda
görünür. Qaniçən
ermənilərin nadanlığı,
faşizm amalları yaddaşlarda oyanır. Filmin baş qəhrəmanı Zakir (respublika muğam festivalının qaliblərindən
biri Pərviz İbrahimli) dünyada oxşarı olmayan Xocalı soyqırımını
xatırlayır. Obrazın
baxışları sanki
dil açıb danışır. Müdhüş,
faciəli qış gecəsindən soraq verir. Ümumi panoram, konkret nüanslar, detallar olduqca təsirlidir. Səyavuş Kərimlinin
musiqisi təsvir olunan hadisələrin bələdçisinə çevrilir.
Aktyorlardan Ömür
Nağıyevin, İlham
Əsgərovun, Mirzə
və Kamil Ağazadələrin, Feyruz
Xudaverdiyevin ifalarında
son dərəcə həssaslıq, kövrəklik
duyulur.
"Biz qayıdacağıq"
bədii, tammetrajlı
film aktyor-rejissor Elxan Qasımovun quruluş verdiyi üçüncü ekran
əsəridir. "Qocalar,
qocalar", "Köhnə
bərə" filmləriylə
müqayisədə sonuncu
daha təsirli, peşakarlıqla lentə
alınmışdı. Elxan
müəllimin fikirlərini
tədbir iştirakçıları
alqışlarla qarşıladılar:
"Biz mütləq doğma torpaqlarımıza
qayıdacağıq. Mən
də bu inamı kameranın gözüylə tamaşaçılara
çatdırmağa çalışmışam".
Azərbaycan.-2007.-25 iyul.-S.5.