Azərbaycanlı cazmen Şahin Növrəsli beynəlxalq festivalda II yerə layiq görülmüşdür

Mədəniyyət və Turizm Nazirliyinin mətbuat katibi Zöhrə Əliyeva bildirmişdir ki, İsveçrənin Montrö şəhərində keçirilən 41-ci beynəlxalq caz festivalında azərbaycanlı cazmen Şahin Növrəsli II yeri tutmuşdur.

Dünyanın 40-dan çox ölkəsinin iştirak etdiyi festivalda Ş.Növrəsli əvvəlcə yarımfinal mərhələsində 26 ölkənin cazmenləri sırasına çıxmış, sonra isə fmalda mübarizə aparan 4 nəfərdən biri olmuşdur. O, Avstriya, Fransa və Kuba cazmenləri arasında möhtəşəm uğur qazanmışdır.

Montrö şəhərində olan Azərbaycanın Mədəniyyət və Turizm naziri Əbülfəs Qarayev bu uğur münasibətilə Şahin Növrəslini təbrik etmişdir.

Xalq qəzeti.- 2007.- 19 iyul.- S. 6.