Əbülfəs Qarayevin başçılıq etdişi nümayəndə heyəti İsveçrədə səfərdədir

Mədəniyyət və Turizm naziri Əbülfəs Qarayevin başçılıq etdiyi nümayəndə heyəti İsveçrədə keçirilən 41-ci Monrö Caz Festivalında iştirak edir. Bu barədə məlumatı Mədəniyyət və Turizm Nazirliyindən veriblər. Nümayəndə heyətinin tərkibinə Xalq artisti, kamança ustası Fəxrəddin Dadaşov, pianoçu Salman Qənbərov, cazmenlər Vaqif Əliyev, Natiq Şirinov və Sahib Növrəsli daxildir. Dünyanın əksər ölkələrinin qatıldığı festival çərçivəsində iyulun 18-də İsveçrədə Azərbaycan caz musiqisinin təqdimat mərasimi keçiriləcək. Təqdimatda cazmenlərimiz xüsusi konsert proqramı ilə çıxış edəcəklər.

Mövqe.- 2007.- 17-18 iyul.- S. 3.