Koreya
Respublikasının Azərbaycandakı fövqəladə
və səlahiyyətli səfiri Lyu Kvanq Çulun
respublikamızın rayonlarına səfəri davam edir. Koreyalı diplomat və onu müşayiət
edən şəxslər
iyulun 18-19-da Oguz, Qax, Zaqatala və
Balakən rayonlarında
olmuşlar. Respublikamızın şimal-qərb
bölgəsi ilə tanışlıq məqsədi
daşıyan bu səfərdə qonaqlar yerli icra hakimiyyəti
orqanlarının rəhbərləri
ilə görüşmüş,
bu rayonların iqtisadiyyatı, kənd təsərrüfatı və
turizm imkanları ilə maraqlanmış, tarix və mədəniyyət
abidələrinə
baş çəkmişlər.
AzərTAc-ın müxbiri xəbər verir ki, iyulun
18-də Oğuz şəhərinə gələn
səfir Lyu Kvanq Çul mərkəzi parkda ümummilli liderimizin abidəsini ziyarət etmiş, Heydər Əliyev muzeyinə baxmışdır. Koreyalı
diplomat daha sonra rayon mərkəzində
idman kompleksinin, xəstəxana və yeni mehmanxana binasının tikintisi ilə maraqlanmış, tarix-diyarşünaslıq
muzeyinə, Daşağıl
kəndində yerləşən
"Göbür" istirahət
zonasına baxmışdır.
Elə həmin gün səfir və onu müşayiət edən şəxslər Qax rayonuna gəlmiş,
rayon rəhbərliyi ilə birgə İlisu kəndindəki
"Uludağ" və
"Yaşıl park"
istirahət mərkəzləri,
XVII-XVIII əsrlərə aid
Sumuq qala memarlıq abidəsi, rayon mərkəzindəki
tarix-diyarşünaslıq
muzeyi ilə tanış olmuşlar.
Bölgəyə səfər proqramına
uyğun olaraq Koreya səfiri iyulun 19-da Zaqatala rayonuna gəlmiş, icra hakimiyyətində rayon rəhbərliyi ilə görüşmüş,
Zaqatala haqqında sənədli filmə baxmış, Pəri qalasında olmuş, şəhərin görməli
yerlərini gəzmişdir.
Diplomat tarix-diyarşünaslıq muzeyinə
də baxmış,"Azərsun" MMC-nin fındıq zavodu və "Zaqatala-çay"
MMC-də istehsal prosesi ilə maraqlanmışdır.
Bölgəyə səfərinin
sonunda səfir Lyu Kvanq Çul
Balakənə gəlmişdir.
Rayon rəhbərliyi ilə görüşdə
qarşılıqlı maraq
doğuran bir sıra məsələlər
barədə fikir mübadiləsi aparılmış,
gələcəkdə turizm
sahəsində əməkdaşlığın
perspektivləri müzakirə
olunmuşdur.
Səfir və onu müşayiət edən şəxslər daha sonra rayonun
sənaye obyektlərinə
və turizm-istirahət zonalarına baş çəkmişlər.
Azərbaycan-2007.-20 iyul.-S.4.