Pərviz

Turizm sektorunda kadr çatışmazlığı var

Mədəniyyət Turizm Nazirliyi əməkdaşlıq müqaviləsi imzaladı

Dünən Mədəniyyət Turizm Nazirliyi ilə Avstriyanın “İMC KREMS” Tətbiqi Elmlər Universiteti arasında turizmə dair beynəlxalq proqramların həyata keçirilməsi haqqında müqavilə imzalanıb. Bu münasibətlə keçirilən tədbirdə Azərbaycan Turizm İnstitutunun rektoru Cəfər Cəfərov institutun bir il ərzində gördüyü işlər, gələcək planları yeni əməkdaşlıq müqavilələrinin əhəmiyyətindən söz açıb. Mədəniyyət turizm naziri Əbülfəs Qarayev isə öz çıxışında rəhbərlik etdiyi qurumun bir çox nüfuzlu beynəlxalq turizm təşkilatları ilə geniş əlaqələr yaratdığını qeyd edib. Nazir Ə. Qarayevin ATİ-nin rektoru C.Cəfərovun imzaladığı müqavilədə üç proqram - bakalavr, diplom müəllimlərin təkmilləşdirilməsi proqramları öz əksini tapıb. Müqavilənin şərtlərinə əsasən, bütün kursları keyfiyyət zəmanəti ilə bitirmiş tələbələr ATİ-nin diplomu ilə bərabər, Avstriyanın bakalavr dərəcəsi diplomu alacaqlar. Azərbaycanın Avropa təhsil sisteminə inteqrasiyasına əlavə təkan verən bu müqaviləBolonya prosesiçərçivəsində atılan addımlardan biridir.

Bu arada jurnalistlərə açıqlamasındla nazir Ə.Qarayev turizmin artıq Azərbaycanda prioritet iqtisadi istiqamətlərdən birinə çevrilməkdə olduğunu qeyd edib. Nazirin fikrincə, inkişaf yolu tutan istənilən sahə üçün ilkin çətinlik kadr çatışmazlığıdır. Məhz bu səbəbdən Azərbaycanın özündə turizm sahəsinə aid kadrların hazırlanmasına xüsusi əhəmiyyət verilməlidir. Onun sözlərinə görə, dünyanın turizm sahəsində baş verən proseslər artıq bir ildir fəaliyyət göstərən Turizm İnstitutunun təhsil proqramında öz əksini tapıb: “Bu ildən Turizm İnstitutuna qəbul planı da artırılaraq, 300 nəfər olub””.

Qeyd etmək lazımdır ki, Azərbaycan Turizm İnstitutunda hazırda 200 tələbə təhsil alır.  2007/2008 tədris ilində isə bu say 100 nəfər artacaq. Bundan başqa, cari ildən institutun planlarına 5 yeni ixtisas əlavə ediləcək ki, bunlar sanatoriyalarda kurort yerlərində tibbi xidmətin təşkili, səhhət kurort, mədəniyyət incəsənət turizmi, linqvistika idman turizmidir.

Bundan başqa, nazir UNESKO-nun Mədəni İrsin Qorunması layihəsi üzrə missiyasının Cənibi Qafqaz ölkələrinə gözlənilən səfərinin gerçəkləşmək üzrə olduğunu diqqətə çatdırıb. Ə.Qarayev missiyanın gəlişi ilə bağlı müsbət meyllərin olduğunun danışıqlarda hiss edildiyini vurğulayıb: “Bizim ziyalıların səfərinin bu məsələyə müəyyən təkan verdiyini demək olar. Biz həmişə işğal altında olan Azərbaycan torpaqlarında mədəni irsimizin vəziyyətinin çox pis olduğunu bəyan etmişik. Tələbimiz isə beynəlxalq müşahidəçilərin bu ərazilərə gəlməsi idi”.

Qeyd edək ki, missiya səfər çərçivəsində Dağlıq Qarabağın işğal altında olan hissəsində abidələrin monitorinqini keçirəcək.

Nazir Qobustanın UNESCO-nun, dünyanın, bəşəriyyətin mədəni irs siyahısına daxil edilməsinin   Azərbaycan üçün çox böyük bir hadisə olduğunu vurğulayıb. Onun sözlərinə görə, Qobustan Dövlət Qoruğunun yaradılması ilə bağlı Prezidentin sərəncamı UNESCO-nun xoşməramlı səfiri Mehriban xanım Əliyevanın göndərdiyi məktub bütün vəziyyəti dəyişib: “Bu gün Qobustan qoruğunun artıq Prezidentin şəxsi nəzarəti altında olması komissiya üzvlərinə öz təsirini göstərdi qərar yekdilliklə qəbul olundu. Prezidentin sərəncamı onlara bir il ərzində bütün işlərin görüləcəyi haqdazəmanət verir”.

Artıq Qobustan qoruğunun mühafizəsinə görə bəşəriyyətin cavabdeh olduğunu deyən Ə.Qarayev komissiyanın müntəzəm olaraq qoruğun durumu ilə maraqlanacağını bildirib. Bundan başqa, nazir daha bir neçə tarixi abidənin bu siyahıya əlavə olunacağına əmindir: “İlkin siyahımızda Naxçıvan, Şəki Bakının bir neçə abidəsi var. Amma UNESCO-ya qəbul qaydası bir az mürəkkəbdir. Hansı abidənin sənədləri daha tez tərtib olunsa, siyahıya birinci o düşəcək””.

Yeni Azərbaycan.-2007.-5 iyul.-S.6.