Qafar T.

 

Ölkədə turizm infrastrukturunun baş planı hazırlanmalıdır

 

Turizm həm regionların inkişafı, həm Azərbaycanın imici, dünyaya inteqrasiyası üçün çox mühüm vasitədir

 

 

Bəzi xarici dövlətlərin təcrübəsi göstərir ki, turizm sahəsi iqtisadi potensialın güclənməsinə, xalqın həyat səviyyəsinin yaxşılaşmasına, ölkənin bir sıra digər problemlərinin həllinə təkan verən an güclü vasitələrdən biridir. Turizm ölkələri kimi tanınan Misir, Yunanıstan, İspaniya, Macarıstan, Bolqarıstan, Baltikyanı ölkələr bir yana, elə Türkiyənin timsalında bunun əyani şahidi olmaq mümkündür. Bu ölkənin dövlət büdcəsinin təqribən 40 faizinin turizmdən daxil olan gəlirlər hesabına formalaşdığını nəzərə alsaq, onda bu sahənin əhəmiyyəti barədə təsəvvür əldə etmiş olarıq.

Əsrlərdən bəri neft pambıq ölkəsi kimi tanınmış Azərbaycanda Sovet hakimiyyətinin qızğın vaxtlarında da turizmin inkişafı Moskvanın "diqqətindən" kənarda qalmışdı. 1970-1980-ci illərdə respublikaya rəhbərlik etmiş görkəmli siyasi xadim Heydər Əliyev Xəzər dənizinin Nabrandan Lənkərana qədər sahilyanı zonasında ümumittifaq turizm kurort-sanatoriya kompleksi yaradılması barədə qərar qəbul edilməsinə nail olsa da, sonradan bu qərar Moskvanın qısqanclığı səbəbindən yerinə yetirilmədi.

Azərbaycan müstəqillik əldə etdiyi ilk dövrlərdə bir sıra ərazilərimizin ermənilər tərəfindən işğal olunması, ən cəlbedici turist marşrutlarının müharibə gedən ərazilərdə qalması ümumiyyətlə, ölkəmizdə müharibə şəraitinin mövcud olması səbəbindən bu sahəyə lazımi diqqət yetirilmədi. Lakin Azərbaycanda turizmin inkişaf etdirilməsi vacibliyi sanki özü-özünü diktə edirdi. Bunun üçün nazirlik yaradılması da məsələnin həllinə başlamağın vaxtı çatdığını bildirirdi. Doğrudan da, "Əsrin müqaviləsi" beynəlxalq neft sazişlərinin imzalanması, Bakı-Tbilisi-Ceyhan neft kəmərinin çəkilişinə başlanması, Böyük İpək Yolunun bərpası digər qlobal layihələrin icrasının gerçəkləşməsi, ən əsası isə Azərbaycanın dünyada nüfuzunun möhkəmlənməsi, xalqımızın sülhpərvərliyi ölkəmizdə turizmin inkişafı üçün əlverişli mühit yarandığını göstərirdi. 2003-cü ildən bəri Prezident İlham Əliyevin bu istiqamətdə göstərdiyi səylər, o cümlədən, Regionların sosial-iqtisadi inkişafı Dövlət Proqramında turizmin inkişaf etdirilməsi üçün konkret vəzifələr müəyyənləşdirilməsi sahənin qarşısında geniş imkanlar açdı.

Prezidentin üç il əvvəl yerli xarici sahibkarlara, adamlarına dediyi "gəlin nefti unudaq, Azərbaycan neft qazı artıq dünya bazarlarına çıxarılmaqdadır, gəlin başqa sahələrə investisiya qoyaq. Məsələn, turizm üçün cəlbedici ölkə hesab edilən Azərbaycanda bu sahənin inkişafına nəyə görə sərmayə qoymayasınız" çağırışına Türkiyənin "Ata-Holdinq" şirkəti konkret layihə ilə cavab verdi. Həmin layihəyə uyğun olaraq, 2005-ci ilin yayında Bakıda ən yüksək dünya standartları səviyyəsində "Excelsior hotel" tikilib istifadəyə verildi. Xatırladaq ki, hotelin açılışında Prezident İlham Əliyev çıxış edərək, xeyir-duasını verdi, turizm infrastrukturunun inkişaf etdirilməsi vacibliyini bir daha diqqətə çatdırdı. Bu diqqətin nəticəsidir ki, Şamaxıda, İsmayıllıda, Lerikdə turistlərə xidmət etmək üçün mənzərəli guşələrdə binalar tikildi, yollar təmir edildi. Hazırda bu işlər Zaqatalada, Gədəbəydə, Gəncədə, Qubada davam etdirilir.

Sonrakı illərdə turizm şəbəkəsinin genişləndirilməsi Prezidentin daim diqqətində olmuşdur. O, hər yarım ilin hər ilin yekunlarına həsr olunmuş yığıncaqlarda çıxış edərək konkret məsələlər qaldırır, tapşırıqlar verir. 2006-cı ilin yekunlarına həsr olunmuş yığmcaqda çıxışında dövlət başçısı ölkədə turizmin inkişaf etdirilməsi vacibliyini bir daha qeyd edərək "bütün turizm infrastrukturunun baş planı hazırlanmalıdır" tapşırığını verdi. İndiyə qədər görülmüş işləri fədakarlıq kimi qiymətləndirən Prezident, bununla belə, görülmüş işlərin dünya səviyyəsindən hələ uzaq olduğunu diqqətə çatdırdı. "Biz əgər istəyiriksə ki, Azərbaycanda güclü turizm şəbəkəsi yaradılsın, bütün işlər ən yüksək səviyyədə görülməlidir. Xarici mütəxəssislər gəlməlidir, onlar da bu məsələni araşdırmalıdır, texniki-iqtisadi əsaslandırma hazırlanmalıdır."

Prezidentin turizmlə bağlı qarşıya qoyduğu digər vəzifələr aktuallığı böyük perspektivi ilə diqqəti cəlb edir. Yay qış turizminin inkişaf etdirilməsi, turistlərə xidmət edəcək yol-nəqliyyat, enerji, rabitə məsələlərinin həlli, yeni hotellər tikilməsi, turizm kadrlarının hazırlanması yubadılmamalıdır.

Yeri gəlmişkən, qeyd edək ki, Prezident İlham Əliyev 3 il əvvəl Qubada olarkən Şahdağın ətəklərində qış turizm bazası yaradılması barədə verdiyi tövsiyələrin icrasına başlanıb-başlanmadığı barədə məlumat yoxdur. Amma düşünürük ki, turizmin inkişafı üçün Prezidentin verdiyi bütün tapşırıqlar öz həllini tapacaq, bu isə ölkədə sosial-iqtisadi həyatın daha da canlanmasına, insanların həyat səviyyəsinin yaxşılaşmasına, eyni zamanda, Azərbaycanın dünyaya inteqrasiyasında güclü amilə çevriləcəkdir.

 

İki sahil.- 2007.-  1 mart.- S. 2.