"Azər-ilmə" Məhdud Məsuliyyətli
Cəmiyyətinə Böyük
Britaniyadan xoş xəbər gəlmişdir.
Mərkəzi qərargahı Oksfordda
yerləşən Avropa
Biznes Assambleyası ən yüksək "Kraliça Viktoriya adına mükafat"ını keyfiyyətli məhsul istehsalı ilə Avropa bazarlarında layiqli yer tutan, Avropa
iqtisadi əməkdaşlığına
səylə inteqrasiya
edən, Azərbaycan xalçasının tarixi
şöhrətini böyük
uğurla yaşadan
"Azər-ilmə"
MMC-yə verilməsi barədə qərar qəbul etmişdir. Martın 18-21-də mükafatı almaq üçün müəssisənin
nümayəndəsi bu
ölkəyə dəvət
edilmişdir.
MMC-nin baş direktoru, xalça sənətinin tanınmış bilicisi və taciri Vidadi Muradov bildirmişdir ki, bu uğurun qazanılması Azərbaycan
Prezidenti İlham Əliyevin ölkəmizdə
sahibkarlığın inkişafı
üçün hər
cür şərait yaratmasının, özəl
sektorun inkişafına
diqqət və qayğısının, dünya
bazarlarına keyfiyyətli,
daha çox milli məhsul çıxarılması barədə
tövsiyələrinin nəticəsidir.
Sahibkar qeyd etmişdir ki, "Azər-ilmə" şirkəti fəaliyyətə
1996-cı ildə başlayıb. Nadir xalı kompozisiyalarının
dirçəldilməsi ilə
yanaşı, şirkət
bədii ənənələrin
inkişafı, xalça
istehsalı və ixracı sahəsində də böyük iş aparır.
"Azər-ilmə"nin yun və
ipəkdən istehsal olunan, işləmələrin
incəliyi, ilmələrin
yüksək sıxlığı,
tərtibatın orijinallığı,
milli koloriti ilə seçilən xalçaları bütün
beynəlxalq standartlara
cavab verir.
Bakının qədim
zamanlardan xalçaçılığın
mərkəzi kimi tanınan Nardaran, Binə, Hökməli, Lökbatan qəsəbələrində,
həmçinin Kürdəmir
və Lerik rayonlarında şirkətin
toxuculuq emalatxanaları
yerləşir.
"Azər-ilmə"
şirkətində 350 nəfər
çalışır. Onların sırasında
rəssamlar, sənətşünaslar,
toxucular və digər mütəxəssislər
vardır. Şirkətin
mütəxəssisləri unudulmuş xalça kompozisiyalarından istifadə
etməklə yüksək
keyfiyyətli xalçalar
hazırlayır, nümunələri
dünyanın bir çox muzeylərini və şəxsi kolleksiyalarını bəzəyən Azərbaycan xalçaçılığının
ənənələrini dirçəltmək
üçün böyük
səy göstərir.
İpləri boyamaq üçün ancaq təbii boyalardan istifadə edilir, eskizlər yalnız milli naxış və çeşnilərdən
götürülür. İşlədilən
bütün xammal yerli məhsullardır.
"Azər-ilmə"
şirkətinin məqsədi
Azərbaycan xalçaçılıq
sənətinin ənənələrini
yaşatmaq və inkişaf etdirməkdir. Şirkətin mütəxəssisləri
tərəfindən bugünə
qədər minədək
xalça eskizi işlənmişdir.
MMC-nin nəzdində Azərbaycan Xalça Qalereyası və həmçinin açıq
səma altında Xalça Muzeyi yaradılmışdır.
"Azər-ilmə"
markası ilə Azərbaycan xalçaları
ABŞ, Almaniya, Avstriya,
İngiltərə, İtaliya,
Yaponiya, Rusiyada keçirilən satış
sərgilərində xüsusi
mükafat və sertifikatlara layiq görülmüş, milli
xalçaçılıq ənənələrinin davam
etdirilməsi üzrə
aparılan işlərin
yüksək səviyyəsi
ilə həm ölkəmizdə və həm də xaricdə böyük nüfuz qazanmışdır.
Azərbaycan.- 2007.- 14 mart.- S. 7.