Azərbaycan Xalçası və Xalq Tətbiqi Sənəti Düvlət Muzeyinə yeni bina tikiləcək

Prezident İlham Əliyev muzey işinin yaxşılaşdırılması haqqında sərəncam imzalayıb

Prezident İlham Əliyev Azərbaycanda muzey işinin yaxşılaşdırılması haqqında sərəncam imzalayıb. Sərəncamda Mədəniyyət və Turizm Nazirliyinə Bakı şəhər İcra Hakimiyyəti ilə birlikdə Azərbaycan Xalçası və Xalq Tətbiqi Sənəti Düvlət Muzeyinin yeni binasının tikilməsi üçün Bakı şəhərində müvafiq sahənin ayrılması və tikinti-quraşdırma işlərinin aparılması ilə bağlı təkliflərini bir ay müddətində, yerli icra hakimiyyəti orqanları ilə birlikdə isə Azərbaycanın regionlarında fəaliyyət güstərən muzeylərin müasir standartlara uyğun təmirinə, yeni avadanlıq və zəruri eksponatlarla təchizatına dair xüsusi tədbirlər planı hazırlayıb üç ay müddətində Prezidentə təqdim etmək tapşırılıb. Mədəniyyət və Turizm Nazirliyinə o da tapşırılır ki, Muzey Mərkəzinin təmiri və yenidən qurulması ilə bağlı təkliflərini iki ay müddətində, Azərbaycan Düvlət İncəsənət Muzeyinin əsaslı təmirindən sonra həmin muzeydə, Azərbaycan Rəssamlar İttifaqının rəyi nəzərə alınmaqla, yeni ekspozisiyaların yaradılması ilə bağlı təkliflərini 2007-ci ilin sentyabr ayına qədər Azərbaycan prezidentinə təqdim etsin, Azərbaycanda muzeylərin fəaliyyətinin muzey işinin müasir prinsipləri əsasında dünya standartlarına müvafiq olaraq yenidən qurulmasını və muzey ekspozisiyalarının azərbaycançılıq məfkurəsinə uyğunlaşdırılmasını təmin etsin.

Səs.- 2007.- 7 mart.- S. 2.