Aydan

Milli kulinarlarımız medalla qayıdıblar

Milli Kulinarlarımız Türkiyədə gerçəkləşən Beynəlxalq Kulinariya Çempionatından 1 qızıl, 4 bürünc medalla qayıdıblar". Bu barədə dünən M.F.Axundov adına Mərkəzi Kitabxanada keçirilən mətbuat konfransında Milli Kulinariya Mərkəzinin direktoru Tahir Əmiraslanov məlumat verib. Onun sözlərinə görə, kulinarlarımızın festivala qatılması üçün maddi xərclərin bir qismi Mədəniyyət və Turizm Nazirliyi tərəfindən ödənilib":: "Müsabiqəyə 21 ölkənin 28 komandası qatılıb. Həmin festivala 12 iştirakçıdan ibarət komanda qatılmışdıq. Komandanın kapitanı Nailə Mürsəlova idi. Bizim iştirakçılar cəmi 5 komanda və 25 fərdi siniflərdə çıxış etdi. Yarışa qatılan iştirakçılarımızdan dördü ilk dəfə idi ki, belə festivala qatılırdı". T. Əmiraslanov yarışmanın çətin şəraitdə keçirilməsinə baxmayaraq, qazandıqları uğurlardan razı olduqlarını bildirib. AMKM rəhbəri bildirdi ki, Yekaterinburq səfəri zamanı ölkəmiz komanda yarışlarında III yeri qazanıb. T.Əmiraslanov özü isə ictimai-iaşə ustası medalına layiq görülüb. O, hazırda AMKM-nin Yunanıstan və Moskvada keçiriləcək kulinariya çempionatlarına hazırlaşdıqlarını bildirib. Həmin çempionatlarda ölkəmiz həm fərdi, həm də komanda yarışlarında təmsil olunacaq.

Üç nöqtə.- 2007.- 13 mart.- S. 13.