Aygün Bəylər Parisdə çıxış edib
Onun Fransada daha bir
çıxışı təşkil
olunacaq
Parisdə fəaliyyət
göstərən Dünya
Mədəniyyəti Mərkəzinin
təşəbbüsü ilə "Musiqi təsviri" devizi altında hər il bir ölkənin
musiqisinə həsr olunmuş ənənəvi
festival keçirilir. Builki festival Azərbaycan musiqisinə həsr olunub.
Mərkəzin
iqamətgahında keçirilən
festivalda Əməkdar
artist Aygün Bəylər konsert proqramı ilə çıxış edib.
Konsert Novruz bayramı ərəfəsinə
təsadüf etdiyindən
müğənni repertuarında
bayrama həsr olunmuş mahnılar oxuyub. Konsertdə yerli tamaşaçılarla
yanaşı, orada yaşayan həmyerlilərimiz
də fəal iştirak ediblər.
Aygün
xanımın ifasında
"Qarabağ şikəstəsi"
və "Heydər baba" mahnısı tamaşaçıların alqışları
ilə qarşılanıb.
Azərbaycanlı sənətçinin
ifasına böyük
maraq olduğundan konsertin təşkilatçıları
onun daha bir çıxışını
təşkil etmək
niyyətindədirlər.
Qeyd
edək ki, A.Bəyləri Paris konsertində tarda Rövşən Qurbanov, kamançada Zahid Rzayev müşayiət ediblər. Konsertə tamaşa edənlər arasında Azərbaycanın
Fransadakı səfiri,
Paris ictimaiyyətinin nümayəndələri, diasporun
təmsilçiləri olublar.
Kaspi.- 2007.- 29 mart.- S. 17.