Bakıda ilk dəfə olaraq Türk Moda Sərgisi başlayıb

Əl Oyunları Sarayında Bakıda ilk dəfə olaraq Türk Moda Sərgisinin açılış mərasimi keçirilib. Sərginin keçirilməsində məqsəd türk iş adamları ilə yerli iş adamları arasında əlaqələrin qurulmasıdır. Üç günlük sərgidə Türkiyənin 24 şirkətinin 900 kişi və qadın geyimləri göstəriləcək. Sərginin ilk iki günündə iki dəfə, sonuncu gün ərzində isə bir dəfə türk manekenləri tərəfindən geyimlər nümayiş olunacaq. Bu sərginin gələcəkdə də təşkil olunması nəzərdə tutulub. Sərgidə Türkiyənin “Cabanna”, “Carlo Cavallo”, “Cons”, “İGS”, “Doramaifi-Sicilias”, “Dolce Bella”, “DRK”, “Konzzi”, “Jakamen”, “Mopant”, “Praise Gold” və digər şirkətləri iştirak edir. Açılış mərasimdə müxtəlif kişi və qadın geyimlərindən ibarət sərgi də təşkil olunub. Qeyd edək ki, martın 11-də sərginin sonuncu günü geyimlərin topdan satışı təşkil olunacaq

Ekpress.- 2007.- 10-12 mart.- S. 8.