Fəxri adların verilməsi
məhdudlaşdırılacaq
Əbülfəs Qarayev:
"Dünyanın ən tanınmış
ölkələrində də fəxri adlar verilmir"
Dünən
mədəniyyət və turizm naziri Əbülfəs Qarayev
Dövlət Akademik Milli Dram Teatrında tanınmış
teatr xadimləri ilə görüşərək
dövlət başçısının ötən ay teatr
sənətinin inkişafı barədə
imzaladığı sərəncamdan irəli gələn
vəzifələri müzakirə edib. Tədbiri giriş
sözü ilə açan Ə.Qarayev sərəncamın
vaxtında imzalandığını
qeyd edərək bildirib ki, Mədəniyyət
və Turizm Nazirliyinin fəaliyyət göstərdiyi 1 il 1 ay müddətində teatrlarda yeni və bərpa olunan 78 tamaşa hazırlanıb. Çıxışında
nazir teatrların
binalarında aparılan
əsaslı təmir
işlərinə də
toxunub":: "Nəzərdə
tutmuşuq ki, ilyarım və ya iki il
müddətində Azərbaycanda
müasir standartlara cavab verən teatr binaları hazır olmalıdır. Həmin teatrlar müasir avadanlıq və təchizatla təmin olunacaq". Ə.Qarayev onu da qeyd
edib ki, yaxın vaxtlarda Azərbaycan Dövlət Akademik Opera və Balet Teatrında
əsaslı təmirə
başlamaq nəzərdə
tutulmayıb. Nazir bu mədəniyyət obyektində təmir işlərinin digər teatrlarda təmir işləri başa çatdıqdan sonra aparılacağını vurğulayıb"::
"Artıq bütün
teatrlarda və Heydər Əliyev adına Sarayda təmir işləri getdiyi üçün Opera və Balet
Teatrının təmirini
bir müddət təxirə salmışıq.
Bu müddət ərzində teatrın vizual görünüşündə
dəyişikliklər və
layihələndirmə işləri
aparılacaq. Digər teatrlarda
təmir işləri
başa çatdıqdan
sonra isə Opera və Balet
Teatrı müvəqqəti
fəaliyyətini dayandıracaq".
Çıxışında nazir "Teatr haqqında qanun"da öz əksini
tapan teatrlar üçün prodüsserlər
və kompüter mütəxəssislərinin yetişdiriləcəyini
və bu məqsədlə gənc kadrların xaricdə təhsil almalarının təmin ediləcəyini vurğulayıb"::
"Bu il
"Teatr haqqında"
qanunun qəbulu çox təqdirəlayiq
haldır. İnanıram
ki, bütün bu məsələləri
həll etdikdən sonra maddi vəziyyət
də yaxşılaşacaq.
"ələn mövsümün
əvvəlində mədəniyyət
işçilərinin əmək
haqlarının qaldırılması da planlaşdırılır. Azərbaycan teatrı
yaşamalıdır və
bunun üçün
biz hər şeyə hazırıq".
Əbülfəs Qarayev
Prezident İlham Əliyevin imzaladığı
sərəncamdan irəli
gələn "2008-2018-ci illərdə Azərbaycan
teatrı" Dövlət
Proqramı layihəsinin
hazırlanması üçün
xüsusi komissiyanın
yaradıldığını da tədbir iştirakçılarının
nəzərinə çatdırıb.
Nazir layihənin hazırlanmasında ictimaiyyətin
də rəyinin nəzərə alınacağını
xüsusi vurğulayıb.
Qeyd edək ki, son zamanlar
incəsənət xadimlərinə
fəxri adların verilməsi ilə bağlı çoxlu narazılıqlar ortalığa
çıxmışdı. Teatr xadimləri ilə görüşdə
Əbülfəs Qarayev
bu məsələyə
də toxunub"::
"Artıq "ürcüstan,
Baltikyani ölkələr,
Ukrayna mədəniyyət
və incəsənət
xadimlərinə fəxri
adların verilməsi
prosesini davam etdirmir. Dünyanın ən tanınmış ölkələrində də
fəxri adlar verilmir. Amma buna baxmayaraq, biz bu ənənəni
davam etdirməliyik".
Teatr rəhbərlərinə müraciət
edən nazir bundan sonra fəxri
adların verilməsi
üçün ona təqdim olunan siyahıda adların bir daha dəqiqləşdirilməsini
təklif edib"::
"Ötən il
100-ə yaxın mədəniyyət işçisi
fəxri ada layiq görülüb və bu, çox
təqdirəlayiq haldır.
Ancaq sizdən xahiş edirəm ki, bundan sonra
fəxri adların verilməsi üçün
mənə təqdim etdiyiniz siyahı məhdud olsun və həmin siyahıdakı insanlar bu ada həqiqətən
də layiq olsun". Nazir İrəvan Dövlət
Dram Teatrının
125 və Teatr Xadimləri İttifaqının
110 illiyi münasibəti
ilə yaxın günlərdə bir sıra mədəniyyət
və incəsənət
xadiminə fəxri adların verilməsinin nəzərdə tutulduğunu
da deyib. Daha sonra xitabət
kürsüsünə qalxan
Milli Məclisin mədəniyyət məsələləri
komissiyasının sədri,
millət vəkili Nizami Cəfərov bu gün teatrın
saxlanılmasının vacibliyini
qeyd edib. Tədbirdə söz alan tanınmış teatr xadimləri dövlət başçısının
imzaladığı müvafiq
sərəncamdan irəli
gələn vəzifələrin
həyata keçirilməsində
əllərindən gələni
edəcəklərini vurğulayıblar.
Üç nöqtə.-
2007.- 7 mart.- S. 14.