Puşkinin nağıl qəhrəmanları teatr səhnəsində

Azərbaycan Dövlət Gənc Tamaşaçılar Teatrı ötən həftə sonu Aktyor Evinin səhnəsində Aleksandr Puşkinin qızıl xoruz haqqında nağılının motivləri əsasında "Taxt-tac, Dadon və Şamaxı çariçası" fantaziya tamaşasını təqdim edib.

Qeyd edək ki, nağıl Mədəniyyət və Turizm Nazirliyi ilə Teatr Xadimləri İttifaqının milli teatrımızın 134 illiyi münasibəti ilə təşkil etdiyi gənc reyissorların "Yeni teatr" Respublika festivalı çərçivəsində səhnələşdirilib.

Mədəniyyət və İncəsənət Universitetinin diplomantı Tural Vaqifoğlunun (elmi rəhbəri Xalq artisti Azərpaşa Nemətovdur) quruluş verdiyi tamaşanı canlılıq və yenilik fərqləndirir. Reyissorun Puşkinin məşhur nağılının səhnə təcəssümünə yeni ruhda yanaşmasına baxmayaraq, əsər balaca tamaşaçının başa düşəcəyi tərzdə təqdim olunmuşdu.

Qeyd edək ki, rolları teatrın aktyorları Rasim Cəfərov, Ramil Əzimov, Aleksey Şaprıqin, İlham Əsədov, Gövsər Şərifova, Venera Abbasova, Lalə Bağırova, Oleq Vorobyanski, Zümrüd Məmmədova və Firuzə Balayeva oynayıblar.

Kaspi.- 2007.- 13 mart.- S. 17.