Zəhra

 

Azərbaycanın Avstriya ilə kitabxana və muzey işi sahəsində əlaqələri genişlənir

 

Avstriya Milli Kitabxanasının baş direktoru Cohanna Raxinger, həmin ölkənin Təhsil, Elm Mədəniyyət Nazirliyinin nümayəndəsi Britte Bökün, muzey işi üzrə mütəxəssis Doris Karnerin ölkəmizdə səfərdədirlər. Səfərdən əsas məqsəd Azərbaycanla Avstriya arasında mədəni əlaqələrin gücləndirilməsi, kitabxana muzey sahələrində əməkdaşlığın genişləndirilməsidir. Qonaqlar M.F.Axundov adına Milli Kitabxana, İncəsənət, Musiqi Mədəniyyəti muzeylərində, Caz Mərkəzində olublar. Onlar həmçinin Maştağa qəsəbəsindəki kütləvi kitabxanaya, Qobustan Şamaxı rayonundakı kitabxana muzeylərə gediblər. Ötən gün isə avstriyalı nümayəndələr mədəniyyət turizm naziri Əbülfəs Qarayevlə görüşüblər. Görüşdə Ə.Qarayev Azərbaycanda bu sahədə Avstriya şirkətlərinin fəaliyyətindən danışıb: "Xalça Muzeyinin yenidən qurulmasında, bəzi turizm sahələrinin inkişaf etdirilməsində Avstriya şirkətlərinin fəaliyyəti danılmazdır. Son vaxtlar Avstriya cəmiyyətində ölkəmiz haqqında məlumatlar, mədəni əlaqələrimiz genişlənməkdədir. Avropanın Mədəni İrs Həftəsinə qatılmaqda da Avstriya tərəfi bizə dəstək verəcək". Nazir Bakıda dahi bəstəkar Motsartın heykəlinin qoyulmasının da iki ölkə arasında mədəni əlaqələrin bəhrəsi kimi dəyərləndirib. Avstriya Milli Kitabxanasının baş direktoru da mədəni əlaqələrin səviyyəsindən söz açıb: "Dövlətlərimiz arasında kitabxana işi ilə əlaqədar memorandum imzalanacaq. Bu memorandum kitabxanalarımız arasındakı əlaqələrin genişləndirilməsinə daha geniş imkanlar yaradacaq". Tədbirdə bildirilib ki, Avstriyadan gələn nümayəndələr yerli muzey işçilərinə bu sahə ilə bağlı məşğələlər keçəcəklər. Qeyd edək ki, Avstriya Milli Kitabxanası 1990- ilin əvvəllərindən başlayaraq, "Kitab himayədarlığı" adlı layihə gerçəkləşdirir. Sözügedən kitabxanada Azərbaycanla, görkəmli tarixi şəxsiyyətlərimizlə bağlı sənədlər, əlyazmalar xüsusi şəraitdə qorunub saxlanılır. Avstriyalı qonaqların martın 12- başlayan səfəri bu gün başa çatacaq.

 

525-ci qəzet.- 2007.- 15 mart.- S. 7.