Latın qrafikası ilə 329 adda kitab nəşr olunub

Kirillə nəşr edilən kitabların latııı qrafikası ilə təkrar çapı ilə bağlı Azərbaycan prezidentinin 2004-cü ildə imzaladığı sərəncamdaıı sonra 329 adda kitab işıq üzü görüb. Bu barədə APA-ya M.F.Axuııdov adına Azərbaycan Dövlət Milli Kitabxanasının direktoru Kərim Tahirov məlumat verib.

Onun sözlərinə görə, bu kitabların hər birindən 100 ədəd Milli Kitabxanaya təqdim edilib. Ümumiyyətlə, vaxtilə kirillə çap olunan 900 adda kitabın prezidentin sərəncamına əsasən, latın qrafikası ilə yenidən nəşri nəzərdə tutulub. Bu siyahıya uyğun olaraq nəşr edilən 329 adda kitabın əksər hissəsi bədii ədəbiyyat nümunəsidir. Azərbaycan klassik ədəbiyyatının qiymətli nümunələri ilə yanaşı, nəşr edilən kitablar arasında Azərbaycan Cümhuriyyət Tarixinin ikicildliyi, orfoqrafiya lüğətləri də var. Latın qrafikasında nəşr edilən kitabların növbəti bölgüsü yaxın günlərdə çapdan çıxacaq. Deməli, bu günlərdə M.F.Axundov adına Milli Kitabxananın fondunda olan latın qrafikalı ədəbiyyatın da təxminən 10 mindən çox artacağı, ümumi fondun isə bir az da zənginləşəcəyi gözlənilir.

Ekspress.- 2007.- 11 may.- S. 13.