VII Bakı
Kitab Bayramı gerçəkləşdi
Dünən M.F.Axundov adına Milli Kitabxanada VII Bakı Kitab Bayramı ilə bağlı tədbir keçirildi. Tədbirdə qədim Misir
incəsənətinə və
tarixinə aid kitablar, elmin müxtəlif sahələrini
əhatə edən lüğətlər, islam
dininə dair ədəbiyyat, Qarabağ
problemini əks etdirən nəşrlər,
"Qarabağ-real tarix,
faktlar, sənədlər"
toplusu və ümumən tanınmış
nəşriyyatların çap
məhsulları – elmi-bədii kitablar xüsusilə diqqətçəkən idi.
Mərasimi giriş sözüylə açan
Milli Kitabxananın direktoru Kərim Tahirov son dövrlərdə
kitaba marağın artdığını qeyd
etdi: "Hər gün kitabxanamıza orta hesabla 850 oxucu gəlir. Kitabxanalar oxucularla naşirlər arasında körpü missiyasını
bu gün də uğurla yerinə yetirir". Tədbirin əsas təşkilatçılarından
biri olan Yeni Yazarlar və
Sənətçilər Qurumunun
sədri Aydın Xan Əbilov çıxışında artıq
kitab bayramının bir ənənə halını aldığını
dedi və bu işdə onlara dəstək verən, layihədə əməyi olan qurumlara öz təşəkkürünü
çatdırdı. Atatürk
Mərkəzinin rəhbəri,
millət vəkili Nizami Cəfərov bu tipli tədbirlərin
təqdirəlayiq olduğunu
və ciddi əhəmiyyət daşıdığını
önə çəkdi.
Tədbir yazarlarla oxucuların, müəlliflərlə
naşirlərin birbaşa
ünsiyyətinin təşkili
baxımından xüsusilə
önəmli idi. Mərasimdə həmçinin Milli
Kulturoloji Mükafatın
– "2006-cı ilin Kitabı" müsabiqəsinin
qalibləri müxtəlif
nominasiyalar üzrə
mükafatlandırıldı. Münsiflər heyətinin
qərarına əsasən,
ədəbiyyat və
mədəniyyətimizə yaxından himayədarlıq
etdiyinə, milli-mənəvi dəyərlərimizin
qorunmasındakı xüsusi roluna görə Heydər Əliyev Fondunun prezidenti, YUNESKO-nun xoşməramlı
səfiri, millət vəkili Mehriban Əliyeva "Ədəbiyyatın
dostu" nominasiyası
üzrə 2006-cı
ilin qalibi elan olundu. 2006-cı ilin "Seçilmiş nəşriyyatı"
"Təhsil", "Seçilmiş
əsərlər kitabı"
Xalq yazıçısı
Elçinin oncildliyi,
"Qarabağ mövzusunda
nəsr kitabı"
Hüseynbala Mirələmovun "Yanar dağ"ı, "Maraqlı şeir kitabı" şair-publisist Oqtay Rzanın "Adlı, ünvanlı misralar",
"Poeziya kitabı"
şair-publisist Əjdər
Olun "Günəbaxan
zəmisi", "Detektiv
kitabı" İlqar
Abdullayevin "Tamah"
povestlər toplusu,
"Uşaq kitabı"
Şəfəq Sahiblinin
"Biçilmiş çiçəklər"
rəngli və şəkilli şeirlər
kitabı elan edildi. Şair-tərcüməçi Səlim
Babullaoğlu "Xaricdəki yaradıcılıq
uğuru" nominasiyası
üzrə qalib adını qazandı. Yazıçı-publisist
Günel Anarqızı
"Yeni nəsil yazıçısı", tənqidçi
Bəsti Əlibəyli
"Yeni nəsil tənqidçisi", şair-mütərcim Nicat Məmmədov "Yeni nəsil tərcüməçisi"
nominasiyasının qalibi
oldu. Azərbaycan Televiziya və
Radio Verilişləri
Qapalı Səhmdar Cəmiyyəti 2006-cı ilin "Ədəbi televiziyası", İctimai
Televiziya və Radio Yayımları şirkətinin "Çoxbilmiş"
proqramı ilin "Ədəbi radio verilişləri", "Ulduz"
ilin "Ədəbi jurnalı", veb-dizaynçı Cahid İsmayıloğlu "Yeni
texnologiyalar bilicisi"
hesab olundu. Adları çəkilən
şəxslər Milli
Kulturoloji Mükafatın
diplomu və hədiyyələri ilə
mükafatlandırıldı. Kitab mədəniyyətinin
inkişafındakı xidmətlərinə
görə M.F.Axundov adına Milli Kitabxana, "Yayım"
Assosiasiyası mükafatlandırıldı.
525-ci qəzet.-
2007.- 25 may.- S. 7.