İKT sahəsində genişmiqyaslı beynəlxalq

münasibətlər qurulmuşdur

Son 3 ildə informasiya və kommunikasiya texnologiyaları (İKT) sahəsində genişmiqyaslı beynəlxalq münasibətlər qurulmuş, ölkəmizin yüksək texnologiyalar sektorunun imkanları və perspektivləri nəinki regionda, həmçinin dünyanın aparıcı ölkələrində və beynəlxalq təşkilatlarda geniş təbliğ olunmuşdur.

Bu barədə jurnalistlərə rabitə və informasiya texnologiyaları naziri Əli Abbasov məlumat vermişdir. Onun sözlərinə görə, bu müddət ərzində dünyanın müxtəlif ölkələri ilə 9 saziş, 15 memorandum,15 protokol, 5 müqavilə və 1 qərar layihəsi imzalanmışdır. İki dəfə ABŞ-ın Kaliforniya ştatında Amerika-Azərbaycan İKT forumu keçirilmişdir.

Respublika.- 2007.- 20 may.- S. 3.