Abşeronda son Tunc və ilk Dəmir dövrünə aid qəbir abidələr aşkar edilmişdir

Azərbaycan Milli Elmlər Akademiyasının Arxeologiya və Etnoqrafiya İnstitutunun Abşeron arxeoloji ekspedisiyasının rəhbəri, tarix elmləri namizədi İdris Əliyev bildirmişdir ki, Abşeron mayakı ətrafında - Gürgan qəsəbəsi yaxınlığında çoxlu qəbir abidələr aşkar edilmişdir. Abidələr son Tunc və ilk Dəmir dövrünə aid olan daş qutu qəbirlər və ovdandır. Daş qutularda ox ucu, nizə, dəmir çıraq, saxsı qab, xəncər və s. tapılmışdır. Burada orta əsrlərə aid yaşayış məskənləri də aşkar olunmuşdur.
Bununla yanaşı, arxeoloq alim təəssüflə qeyd etmişdir ki, bu ərazilər ayrı-ayrı vətəndaşlara paylanılıb və hazırda orada tikinti işləri aparılır. Halbuki həmin ərazilər tarixi-mədəni abidələrin yerləşdiyi qoruq elan edilməli və orada hər hansı tikinti işləri qanunla qadağan olunmalıdır.

Azərbaycan.-2007.-16 may.-S.8.