Dövlət
rəhbərinin Azərbaycan mədəniyyətinə və
incəsənətinə diqqət ayırması
sənətkarları sevindirir
Musiqinin dili
ilə Azərbaycanın ab-havasını
əsərlərdə əks etdirməyə
çalışmışıq
Ölkə Prezidenti İlham Əliyev
cənabları mayın 15-də mədəniyyətin
inkişafındakı xidmətlərinə görə, bir
çox sənət xadimlərini fəxri adlarla təltif
edib. Belə ki, Azərbaycan musiqisinin, ifaçılıq
və rəssamlıq sənətinin tanınmış və
istedadlı nümayəndələri, əməkdar
incəsənət xadimi, əməkdar artist, əməkdar
rəssam adlarına layiq görülüblər.
İlham Əliyevin mədəniyyət və
incəsənətin inkişafında xidmət
göstərən sənətkarlara qayğı və
diqqəti son günlərdə daha da artmış, bir-birinin
ardınca imzalanan sərəncamlar yaradıcı
şəxslərin böyük sevincinə səbəb
olmuşdur. Prezidentin sonuncu sərəncamına əsasən,
əməkdar incəsənət xadimi adı alanlar
sırasında tanınmış bəstəkarlar Nailə
və Hikmət Mirməmmədlilərin də adı
vardır. Hər zaman yaradıcılıq yolunu
vətənpərvərlik mövzuları ilə davam
etdirən sənətkarlarla əlaqə saxladıq:
- Azərbaycan dövlətinin hazırkı
durumu, inkişafı dövlətin sivil ölkələr
arasında özünəməxsus yer tutması ölkə
Prezidenti İlham Əliyevin ardıcıl olaraq
apardığı siyasətinin məntiqi davamıdır.
Belə bir gərgin zamanda dövlət rəhbərinin
Azərbaycan mədəniyyətinə və
incəsənətinə diqqət ayırması biz
sənətkarları sevindirir. Çox
qürurlandırıcıdır ki, İlham Əliyev
sənətkarları daim diqqət mərkəzində
saxlayıb, onların yaradıcılıq
nümunələrini yüksək qiymətləndirir.
Səmimi etiraf edək ki, bu fəxri adın
bizə verilməsi gözlənilməzdir.
Yaradıcılığa başladığımız zamandan
bugünə qədər heç vaxt hansısa bir fəxri
adın bizə verilməsi naminə özümüzü
gözə soxub, fəaliyyət göstərməmişik.
Gəncliyimizin ilk dövründən başlayaraq,
vətənə xidmət etməyi qarşımıza
məqsəd qoymuş və vətənpərvərlik
mövzusunda olan musiqi nömrələrini xalqa təqdim
etmişik. Yaradıcılıq irsimizi təqdim
edərkən, bunun müqabilində bizə nəyinsə
verilməsini gözləməmişik. Dövlət
rəhbərinin diqqəti üzərimizə olduğundan
irsimiz layiqincə qiymətləndirilmiş hər kəs qiymətini
ala bilmişdir. İnanın ki, bu gün səhərdən
bizə vəzifəsindən, peşəsindən
asılı olmayaraq, zəng edən insanların hər biri
"Siz bu fəxri adlara layiq idiniz" deyirlər. Bir
bəstəkar olaraq, cəmiyyətdə gedən prosesləri
qiymətləndirərək, musiqinin dili ilə Azərbaycanın
ab-havasını əsərlərdə əks
etdirməyə çalışmışıq. Elə
sənətkarın da əsas vəzifəsi zamanın
nəbzini tutmaqdır. Yaradıcılığımızda
Qarabağ hadisələrini, Xocalı faciəsini əks
etdirən musiqi nömrələri müstəsnadır.
Belə ki, "Laçın intizarda, Şuşam
dardadır", "Xocalı", "Şuşam
mənim", "Qarabağ" musiqi nömrələrini,
eləcə də, "Ey ana vətən",
"Azərbaycan bayrağı" xor üçün
kantatalar yazmışıq. Terrorizmə qarşı
mübarizə ruhlu " Dayanın, insanlar" musiqi
nömrəsinə, hətta Nazpəri Dostəliyeva klip
çəkdirmiş və sözlər titrlərdə ingilis
dilində verilmişdir. Bu musiqi nömrəsi Azərbaycanda
olan xarici səfirliklərə, bütövlükdə yüz
ölkəyə paylanıldı.
Hələ tələbə olarkən
müsabiqələrdə iştirak etmiş, dövlət
rəhbərinin musiqi əsərlərimizdə vəsf
etmişik. YAP-ın ümumi "Biz sənə səs
veririk" devizi bizim yaradıcılıq məhsulumuzdur.
"Böyük insan", "Yaşasın Heydərlə
Azərbaycanım", "İlhamla birgə Azərbaycan
naminə", "Azərbaycan bayrağı" və
digər əsərlərin musiqisi bizə məxsusdur.
Yaradıcılıq fəaliyyətimizi biz
müxtəlif səpkidə qurmuşuq. Bu baxımdan ki,
mütəmadi olaraq hərbi hissələrə, uşaq
və qocalar evlərinə gedir, onlara vətənpərvərlik
ruhunda yazdığımız musiqi əsərlərini
təqdim edirik. Onu da qeyd edim ki, Sankt-Peterburq
şəhərində keçirilən beynəlxalq uşaq
musiqisi müsabiqəsində Bakı şəhərindəki
3 saylı uşaq evinin uşaqları bizim
vətənpərvərlik mövzusunda
yazdığımız musiqi nömrələrini ifa etmiş
və "Qran Pri" mükafatına layiq
görülmüşlər. "Vətən", "Salam,
üçüncü era", "Azərbaycanım" kimi
marşlar da bizə məxsusdur. Hazırda musiqi
əsərlərimizdən ibarət klavir
hazırlayırıq.
Bu günlərdə, daha dəqiq desək,
ümummilli liderimiz Heydər Əliyevin ad günündə
efir vasitəsilə təqdim olunan "Böyük
ömrün davamı" musiqili kompozisiyasını
bəstələmişdik və qeyd edim ki, əsərin
sözlərinin müəllifi Zəlimxan Yaqubdur. Bizim
yaradıcılığımıza verilən qiymətə
görə bir daha ölkə rəhbərinə dərin
minnətdarlığımızı və
təşəkkürümüzü bildiririk, yenə də
səmimi bir şəkildə vurğulayıram ki,
yaradıcılıqda olduğumuz müddət ərzində
nəyinsə xatirinə musiqi bəstələməmiş,
vətənə, xalqa, məhəbbətimizi ifadə
etməyə çalışmışıq. Bundan sonra da
öz ideyalarımızı
gerçəkləşdirəcək, dövlət, xalq
qarşısında olan məsuliyyətimizi bəstəkar
kimi dərk edərək, xalqın, Azərbaycanın həyat
tərzini, inkişaf yolunu təcəssüm etdirən musiqi
əsərləri yaradacağıq.
Səs.-2007.-17
may.-S.12.