Tələbələrin sərgisinə maraq böyük olub
Mayın 24-də Türkiyənin ölkəmizdəki
səfirliyində Azərbaycan
Rəssamlıq Akademiyasının
tələbələrinin rəsm
əsərlərindən ibarət
sərgi davam etdi. Həmin sərgidə türk və Azərbaycan tələbələrinin rəsm
əsərləri nümayiş
olunur. Ötən gün sərgiyə gələnlərin əksəriyyəti
orta məktəb şagirdləriydi. Bakı-Türk
İlköyrətim Okulunun
30-dan artıq şagirdi
sərgi iştirakçıları
arasında rəsm əsərlərinə daha
çox maraq göstərirdi. İlköyrətim
okulunun 4-cü sinif şagirdi Məhmət Özdəmirin sözlərinə
görə, bu sərgidə onun daha çox xoşuna gələn Atatürkün portretidir.
Qeyd edək ki, bu portretin
müəllifi Rəssamlıq
Akademiyasının II kurs
tələbəsi Dəniz
Tuncyürəkdir. Dördüncü
sinif şagirdi sərgi haqda fikirlərini bizimlə bölüşdü: "Sərgidə
nümayiş olunan rəsm əsərlərinin
hamısı çox
gözəldir. Belədə
onların içərisində
ən gözəlini seçmək çətin
olur. Buna baxmayaraq şəkillərin
arasında mənim diqqətimi ən çox cəlb edən Atatürkün portretidir. Mən də şəkil çəkməyi xoşlyıram.
Böyüyəndə rəssam
olmaq istəyirəm".
Bundan başqa, Türk Anadolu Litseyinin şagirdləri də tamaşaçılar
arasında idi. Ötən günkü sərgi uşaqlarla bərabər böyüklərin
də marağına səbəb olmuşdu. Hamı sərgidə rəsm əsərlərinin
bu qədər orijinal və gözəl çəkilməsinə
heyran qalmışdı.
Sonda onu da qeyd edək
ki, dünən günboyu sərgiyə tamaşa etmək üçün gəlib-gedənlərin ardı-arası kəsilmirdi.
Xalq cəbhəsi.-2007.-25 may.-S.13.