Hacızadə B.
Sənətə, sənətkara verilən qiymət
Adı
milli mətbuat tariximizə qızıl hərflərlə yazılmış
"Molla Nəsrəddin"
jurnalında dərc olunmuş karikaturalar həmişə olduğu
kimi, yenə də həvəslə baxılır, maraqla qarşılanır. Unudulmaz rəssamlar
Oskar Şmerlinqin, İozef Rotterin, Əzim Əzimzadənin, Qəzənfər Xalıqovun,
Xəlil Musayevin və başqalarının
yaradıcılq ənənələri
bu gün də davam etdirilir.
Ötən ildən
"Biz və karikatura" adlı yeni jurnal nəşrə
başlayıb. Məqsədimiz
ömürlərini bu
sənətin inkişafına
həsr edən rəssamların həyat və yaradıcılıqlarını
xatırlatmaq, ilk addımlarını atan gəncləri təbliğ
etmək, tanıtmaqdır.
Ölkəmizdə yeni
qurum - Azərbaycan Karikaturaçılar Cəmiyyəti
yaratmışıq. Qısa
zaman ərzində Beynəlxalq Karikatura Təşkilatları Federasiyasının
üzvlüyünə qəbul
olunmuşuq. Cəmiyyətimiz
dünyanın bir çox ölkələrində
keçirilən müsabiqələrdə,
sərgi və festivallarda uğurla iştirak edir. Ayrı-ayrı rəssamlarımız müxtəlif
mükafatlara, təltiflərə
layiq görülüb.
Dövlətimiz karikaturaçı
rəssamlara daim qayğı göstərir.
Yaxın
günlərdə sözə,
sənətə, sənətkara
illər boyu dəyərli qiymət vermiş ulu öndər Heydər Əliyevin xeyirxah ideyalarını yüksək
səviyyədə davam
etdirən möhtərəm
Prezident cənab İlham Əliyevin sərəncamı ilə
əməkdar incəsənt
xadimi fəxri adına layiq görülmüşəm.
Xoş xəbəri eşidəndə fərəhləndim.
Sevincimi dost-tanışlarımla, həmkarlarımla
bölüşdüm. Bir
daha əmin oldum ki, ölkəmizdə
baş verən bütün yeniliklər, inkişaf cənab Prezidentin daim diqqətindədir. Müdrik,
uzaqgörən, həssas
qəlbli rəhbərimizin
xeyirxahlığını ömrüm boyu unutmaram.
Hörmətli redaksiya!
Xahiş edirəm ki, yüksək fəxri ada layiq görülməyimə
sərəncam vermiş
möhtərəm Prezidentimizə
mənim minnətdarlığımı
çatdırasınız. Bundan sonra da
var gücümlə çalışacağam ki,
etimadı doğruldum,
klassik karikatura sənəti ənənəsinə
layiq əsərlər
yaradım.
Azərbaycan.-2007.-19 may.-S.2.