Dahi lider Heydər Əliyev haqqında sənədli film Macarıstan ictimaiyyətində böyük maraq doğurmuşdur

 

Azərbaycan səfirliyi mayın 22-də Budapeştin "Uraniya" mədəniyyət mərkəzində ölkənin populyar "Duna TV" telekanalı ilə birlikdə ulu öndər Heydər Əliyevə həsr olunmuş "Bir həsədin tarixi" sənədli filminin macar dilinə tərcümə edilmiş variantının təqdimatını keçirmişdir.
Ötən il bu film "Duna TV" telekanalı ilə nümayiş etdirilmiş ictimaiyyətdə böyük əks-səda doğurmuşdur. Azərbaycan səfirliyi "Duna TV" yaradıcılıq qrupu Macarıstan teleauditoriyasının filmə böyük marağını nəzərə alaraq onun DVD variantını buraxmışdır.
Azərbaycanın Macarıstandakı səfiri Həsən Həsənov çıxışında bildirmişdir ki, ümummilli lider Heydər Əliyevin müstəqil, demokratik çiçəklənən dövlət qurulmasına yönəldilmiş xətti hazırda onun layiqli varisi Prezident İlham Əliyev tərəfindən davam etdirilir.
Azərbaycan diplomatı vurğulamışdır ki, Macarıstanın xarici işlər naziri xanım Kinqa Göntsin mayın 17-19-da Bakıya rəsmi səfəri, Prezident İlham Əliyev digər rəsmi şəxslərlə görüşləri, habelə imzalanmış sənədlər münasibətlərimizin tarixində yeni üfüqlər açmışdır.
Həsən Həsənov "Bir həsədin tarixi" filminin macar dilinə dublyaj edilməsinə, ümumilikdə Azərbaycanın Macarıstanda təbliğinə görə "Duna TV"-nin prezidenti Laslo Çeleniyə təşəkkürünü bildirmişdir.
Təqdimat mərasimində "Bir həsədin tarixi" filmindən parçalar nümayiş etdirilmişdir.
Azərbaycan ədəbiyyatının klassiki İlyas Əfəndiyevin adını daşıyan fondun prezidenti Tural Əfəndiyev tədbirdə "Duna TV" telekanalının rəhbəri Laslo Çeleniyə "Azərbaycan mədəniyyətinin incəsənətinin xaricdə təbliğinə görə" mükafatını təqdim etmişdir. Laslo Çeleni əmin etmişdir ki, Azərbaycan-Macarıstan münasibətlərinin inkişafına Azərbaycan həqiqətlərinin Macarıstanda təbliğinə bundan sonra da töhfə verəcəkdir. O, Azərbaycana ötənilki səfərini xatırladaraq Prezident İlham Əliyevlə unudulmaz görüşündən, səfər zamanı "Duna TV"-nin jurnalist qrupunu onu əhatə edən xeyirxah qonaqpərvər mühitdən danışmışdır.
Toplaşanlar Azərbaycan təsviri tətbiqi sənət nümunələrindən ibarət sərgi ilə maraqla tanış olmuşlar.
Tədbirdə Macarıstanın tanınmış alimləri, mədəniyyət xadimləri, Azərbaycan səfirliyinin əməkdaşları, diasporumuzun üzvləri Macarıstan KİV-in nümayəndələri iştirak etmişlər.

 

Azərbaycan.-2007.-26 may.-S.11.