Samirə

Çoxlarını “narahat edən” adam

Əjdər İbrahimov Moskvada anılıb

Mayın 3-də Moskvanın Kino Evində "Narahat adam" sənədli filminin təqdimatı baş tutub. Kinorejissor Nizami Abbasın çəkdiyi bu filmin premyerası bir müddət öncə bizim Kino Evində keçirilmişdi.

Sovet kinosu tarixində öz dəst-xəttini qoymuş Əjdər İbrahimovun şəxsiyyətindon və yaradıcılıq yolundan bəhs edən "Narahat adam" filminin Moskva nümayişi Rusiya Kinematoqrafçılar İttifaqı, Rusiya Kinorejissorlar Gildiyası, Rusiya Mədəniyyət Mərkəzinin birgə təşkilatçılığı ilə keçirilib. Bu barədə "Həftə içi"nə Nizami Abbasın özü məlumat verdı: Tədbırdə Azərbaycanın Rusiyadakı səfiri Polad Bülbüloğlundan savayı, Türkiyə Cümhuriyyətinin elçisi, Vyetnam Respublikası səfırliyinin mədəniyyət attaşesi iştirak edirdilər. Filmin nümayişindən öncə Ümumrusiya Azərbaycanlıları Konqresinin vitse-prezidenti Tofiq Məlikov, Əjdər İbrahimovun xanımı Marqarita Maleyeva, onunla birlikdə çalışmış kinorejissor İqor Popov, Kinorejissorlar Gildiyasının idarə heyətinin üzvü Vlad Mansurov və başqa kino xadimləri iştirak edirdilər. Çıxış edənlərin hər biri Əjdər müəllimin şəxsiyyətinin tamlığından, sənətkar və yaradıcı prmsıplərinə sadiqliyindən söz açdı.

Əjdər müəllimin təsir dairəsi elə geniş idi ki, onu bir neçə xalq, ölkə özününkü hesab etməkdə haqlıdır. Axı o, əslən təbrizlidi, Türkmənistanda dosulub, Bakıda boya-başa çatıb, formalaşıb, yaradıcılığının böyük bir dövrü isə Moskva mühiti ilə bağlı olub. Eyni zamanda da Vyetnamda peşəkar, milli kinonun yaranması da bilavasitə Əjdər İbrahimovun adı ilə bağlıdır. Ona görə də onun neçə xalqın mədəniyyətinə məxsusluğu barədə Moskvadakı tədbirdə hətta fıkir ayrılığı yarandı".

N.Abbas böyük rejissorla nə vaxt tanış olması, onu necə xatırlaması və "Narahat adam" fllminin yaranmasından da danışdı: "Əjdər müəllimlə ilk tanışlığım 1983-cü ildə elə həmin Kino Evində baş tutmuşdu.

"Azərbaycanfilm"in nəzdində fəaliyyət göstərən "Yaddaş" studiyasında çəkdiyim "Narahat adam" filminin adı elə onun öziinün eyni adlı ekran əsərindən qaynaqlanır. Həmin film bir rus kəndinin sakininin təbiətindən bəhs edirdi. "Azərbaycanlı rus kəndinin həyatından necə fılm çəkə bilər?" deyənlərin cavabını Əjdər müəllim həm tutarlı dəlilləri, həm də meydana qoyduğu fılmi ilə çox sərrat vermişdi. Bəli, Əjdər İbrahimov onu anlamayanlar, gözü götürməyənlər üçün çox narahat adam idi. Çünki mövqeyini gizlətmirdi, prinsiplərinə dönük çıxmırdı. Deməli, onu dəyərləndirənlər üçün ideal səviyyəsində olan şəxsiyyət və sənətkar idi".

Xatırladaq ki, Əjdər İbrahimov "Onun böyük ürəyi", "Ürək məsələləri", "Qərıbə adam", “Məhəbbətim mənim, kədərim mənim” və s. ekran əsərlərinin müəllifıdir.

Həftə içi.- 2007.- 9-10 may.- S. 8.