İki qəlbin
pıçıltıları susdu
Hikmət
Mirməmmədli fəxri ad almalarını qeyd
edəcəkmiş
O, Nailə xanımın doğum gününə də hazırlaşırmış
Ötən gün
Nailə və Hikmət Mirməmmədlilərin
"Ağdaş" restoranında
"Əməkdar incəsənət
xadimi" adı almaları münasibəti
ilə mərasim keçirilməli idi. Lakin bəstəkar ailəsinin məclisinə
dəvət alan
sənət adamları
Hikmət Mirməmmədlinin
ölüm xəbərini
eşidib, onun yas mərasiminə gəldilər. Deyilənə görə, mayın
23-də Nailə xanımın
doğum günü də qeyd olunmalı
idi.
46 yaşında
olan H.Mirməmmədlinin
ürək çatışmazlığından
dünyasını dəyişdiyi
deyilir. Qeyd edək ki, hadisə Mirməmmədlilərin
iştirak etdiyi məclislərin birində
baş verib. "Mir" telekompaniyasının
əməkdaşının ad günündə (Nizami rayonunda yerləşən
"Xan bağı"
restoranında) iştirak
edən H.Mirməmmədlinin
qəfil ürəyini
tutaraq yerə yıxıldığı zaman
onu restoranın administratoru tutub.
Hadisə yerində olan hüquq-mühafizə orqanlarının
əməkdaşları H.Mirməmmədlinin
ölümünün səbəbini
ilkin versiya kimi daxili orqanlarında
yaranan çatışmazlıqla
əlaqələndirir. Nizami rayon təcili
tibbi yardım stansiyasının həkimi
Azər Qədiməliyevin
bildirdiyinə görə,
hadisə yerinə çatanda artıq Hikmət müəllim dünyasını dəyişibmiş.
Ölümün daha dəqiq səbəbi ekspertizanın verəcəyi
yekun rəydən sonra məlum ola bilər.
Lakin N.Mirməmmədli həyat
yoldaşının cəsədinin
yarılmasına icazə
verməyib.
Hadisədən bir neçə saat sonra Mirməmmədlilərin
evinin qarşısına
toplaşan sənət
adamları və yaxınları öncə
xəbəri şayiə
hesab ediblər. Nazpəri
Dostəliyeva, İradə
İbrahimova, Röya,
meyxanaçı Vüqar,
reyissor Aqil M.Quliyev və bir çox sənət adamları gecə yarısına qədər Nailə xanımı tək qoymayıblar.
Qeyd edək ki, H.Mirməmmədli
ilə vida mərasimi evində keçirilib. Əgər dövlət tərəfindən
sərəncam verilsəydi,
mərhumla vida mərasimi sənət ocaqlarının birində
baş tutardı.
Bəstəkarınevinə gələnlər arasında
olan şairə Xuraman Vəfa Hikmət müəllimin gözləri önündə
dünyasını dəyişdiyini
söylədi: "Dünənki
məclisdə mən
də var idim. Dedik-güldük, maraqlı söhbətlərimiz
oldu. Hikmət müəllim məni
sabahkı (dünəni
nəzərdə tutur)
məclislərinə dəvət
etdi. Məclisin yekunlaşmağına saat yarım qalmış onlar getməyə hazırlaşırdı.
Birdən Hikmət müəllim
yerə yıxıldı.
Təcili yardım gələndə
artıq dünyasını
dəyişmişdi".
Dünən vida mərasimi başa çatdıqdan sonra H.Mirməmmədli Yasamal qəbiristanlığında
torpağa tapşırıldı.
Allah rəhmət
eləsin!
Kaspi.-2007.-24 may.-S.17.