"Avazı xoş ulu muğam" layihəsi bunu bir daha sübut
edir
O bir layla, qəlb çırpıntısından
qopan hekayətdir ki, hamılıqla ovsunundan qopa, qurtula bilmirik. Onun kimi bizi-bizdən alıb bizə qaytara biləcək başqa bir qeyri-adi qüvvə,
güc yoxdur. Onun bir adı
var - Muğam. Harada, hansı ölkədə səslənməsindən,
oxunmasından asılı
olmayaraq muğam tariximizi, kimliyimizi təkcə yaşatmır,
həm də hər bir əcnəbiyə
tanıdır, sevdirir,
sübut edir.
AzərTAc xəbər verir
ki, mayın 10-da Müslüm Maqomayev adına Azərbaycan Dövlət Filarmoniyasında
Mədəniyyət və
Turizm Nazirliyi və Milli Konservatoriyanın
birgə təşkilatçılığı
ilə ümummilli lider, ulu öndər
Heydər Əliyevin əziz xatirəsinə həsr edilmiş "Avazı xoş ulu muğam" layihəsi çərçivəsində
Niyazinin "Rast" simfonik muğamı səslənmişdir.
Mədəniyyət və turizm
naziri Əbülfəs
Qarayev və Milli Konservatoriyanın rektoru, xalq artisti
Siyavuş Kərimi bildirmişlər ki, ümummilli lider, müasir Azərbaycan dövlətinin qurucusu Heydər Əliyevin anadan olmasının
84-cü ildönümü ilə əlaqədar reallaşan bu layihə bir neçə ay davam edəcəkdir.
Uzun illər Azərbaycana başçılıq
etmiş Heydər Əliyevin mədəniyyət
və incəsənətimizin
inkişafı ilə
bağlı xidmətlərini
xatırladan natiqlər
ümummilli liderin ənənələrinin bu
gün də Prezident İlham Əliyev tərəfindən
layiqincə davam etdirildiyini söyləmişlər.
Diqqətə çatdırılmışdır
ki, muğam sənətinin inkişaf və təbliğ etdirilməsi üçün
Heydər Əliyev Fondunun prezidenti, YUNESKO-nun və İSESKO-nun xoşməramlı
səfiri, Milli Məclisin deputatı Mehriban xanım Əliyevanın təşəbbüsü
ilə bir çox mühüm layihələr həyata keçirilir.
İfaçıları
Üzeyir Hacıbəyov
adına Azərbaycan Dövlət Simfonik Orkestri (dirijor Yalçın Adıgözəlov)
müşayiət etmişdir.
Solistləri xalq artisti Mənsum İbrahimov, Təyyar Bayramov, Bəyimxanım Mirzəyeva,
Elçin Həşimov
və Elnur Əhmədov olan konsertdə ötən əsrin tanınmış
muğam ifaçıları
Zülfü Adıgözəlovun,
Yaqub Məmmədovun və Şahmalı Hacıyevin arxiv səs yazılarından istifadə olunmuşdur.
Simfonik muğam dramaturji bitkinliyi, güclü emosional təsiri, zəngin melodiyası, xüsusilə
harmonik dilinin əlvanlığı ilə
iştirakçıların zövqünü oxşamışdır.
Prezidentin İcra Aparatının humanitar siyasət şöbəsinin
müdiri Fatma Abdullazadə konsertdə olmuşdur.
Azərbaycan.-2007.-11
may.-S.4.