"Savalan" qrupu mistik sufi musiqisi festivalından qayıtmısdır

Pakistanda təşkil olunan VI beynəlxalq mistik sufi musiqisi festivalından qayıtmış Dövlət "Yuğ" teatrının "Savalan" autentik musiqi qrupu mayın 12-də mətbuat konfransı keçirmişdir.

"Savalan" qrupunun ilk dəfə iştirak etdiyi festivalda Türkiyə, Kanada, Əfqanıstan, İran, Mərakeş, Avstraliya, Seneqal, Bosniya, Hollandiya və başqa dövlətlərdən kollektivlər təmsil olunmuşdu.

Bu, "Savalan"ın xaricdə ilk çıxışı deyildir. 2000-ci ildə yaradılmış kollektiv Hollandiyada keçirilən azərbaycanlıların IV Beynəlxalq konqresində və Konyada təşkil olunmuş festivalda da iştirak etmişdir.

Festivalda nominasiyalar olmamışdır. "Savalan" qrupuna Rafi Pir teatr studiyasının və Sindh əyaləti hökuməti Mədəniyyət və Turizm Nazirliyinin diplomları təqdim edilmişdir.

Respublika.- 2007.- 13 may.- S. 6.