Brilliant Dadaşova Yağış mahnısına klip çəkdirib

 

Müğənninin ötən əsrdə yazılmış mahnısı ekranlaşdırılıb

 

Brilliant Dadaşovanın "Yağış" mahnısına çəkdirdiyi klip artıq hazırdır. Xatırladaq ki, Brilliant xanım adıçəkilən mahnını hələ keçən əsrin axırlarında ifa edib. Sözləri musiqisi Xanımİsmayılqızına aid mahnının klip çəkilişlərini reyissor Samir Fərzəlibəyov həyata keçirib. Reyissor Ülviyyə Könül isə klipdə prodüserlik missiyasını üzərinə götürüb. Onu da qeyd edək ki, klipin reyissorluq işinin məhz S.Fərzəlibəyova həvalə edilməsi ideyası Ülviyyə Könülə məxsusdur. O S.Fərzəlibəyovun ölkəmizdə qrafika yanrında çalışan ən yaxşı reyissor olduğu qənaətindədir.

Müğənni qeyd etdi ki, onu bu mahnıya klip çəkdirməyə Musiqili Komediya Teatrının baş rəssamı İsmayıl Məmmədov ruhlandırıb. Belə ki, klipdə rəssamın Bakıya aid cizgi yanrında çəkdiyi əsərlər nümayiş olunur. İlk baxışdan klipin cizgi filminə oxşarlığı olsa da, əslində, klipdə İ.Məmmədovun əl işləri sərgilənir. Sadəcə, həmin əsərlər cizgi yanrında çəkilib. Rəssam İ.Məmmədov söyləyir ki, klipdəki əsərləri hələ 1994-cü ildən çəkməyə başlayıb. Onun fikrincə, Brilliant xanımın ifası həmin rəsmləri sanki canlandırır hər birimizə yaxın edir: "Əsərlərimdə Bakının dar küçələrini, qədimi görünüşünü çəkmişəm. Hazırda yeni inşa edilən binaların arxasında köhnələr itib batır. Çox istərdim ki, gələcək nəsil bundan xəbər tutsun. Mənim qənatimcə, bu klipdə bir növ insanlara çağırış, ismarıc var ki, tarixlərini, mədəniyyətlərini qorusunlar".

Reyissor isə rəssamın fikirləri ilə mahnı arasında harmoniya yaratmağa çalışıb. Yaradıcı qrupun qənaətincə, Bakı mənzərələri hər bir paytaxt sakininə öz həyatının bir səhifəsini xatırladacaq. Çünki Bakının köhnə dar küçələrindən keçərək çoxları məhəbbət dolu günlər yaşayıblar indidən sonra da yaşayacaqlar. Onu da qeyd edək ki, mahnının sözlərinə uyğun süyet xətti axtarışında olan yaradıcı qrup "Yağış" mahnısının bu dinamik ideyanın mahiyyətinə tam uyğun gəldiyi qənaətindədir. Klipin prodüseri Ü.Könül bizimlə söhbətində qeyd etdi ki, Azərbaycanda qrafika, animasiya yanrında çəkilmiş kliplər azlıq təşkil edir: "Klipdə hansısa rəssamın əsərlərinin nümayişi isə ümumiyyətlə, Azərbaycan üçün yenidir. Klip real olmayan məkanda çəkilsə , orada bir canlı obraz var. Əgər diqqət yetirmisinizsə, əsərdə Brilliant xanım gah canlı, gah da cizgi formasında görünür. Bu onunla əlaqədardır ki, Brilliant xanım oxuduqlarını yaşayır biz onun üz cizgiləri, emosiyaları vasitəsilə bunu tamaşaçıya çatdırmağa çalışmışıq".

Reyissor S.Fərzəlibəyov isə klipin ağ-qara çəkilməsinə aydınlıq gətirdi. Onun qənaətincə, musiqinin sadəliyi oriyinallığı, rəsm əsərləri yaradıcı heyətdə bu ideyanı yaradıb: "Məlum olduğu kimi, Brilliant xanım mahnını pianonun müşayiəti ilə ifa edib. Yəni musiqidə digər alətdən istifadə olunmayıb. Əsərlər ağ-qara rəngdən ibarətdir. Ona görə qərar aldıq ki, klip mahnının ruhuna uyğun olsun".

 

Kaspi.-2007.-18 may.-S.17.