Əli Salahlı Lənkəranda xatırlanıb

N.B.Vəzirov adına Lənkəran Dövlət Dram Teatrında əməkdar artist Əli Salahlının xatirə gecəsi keçirilib. Mərasimdə uzun müddət Lənkəranda aktyor kimi fəaliyyət göstərmiş Əli Salahlının xatirəsinə həsr olunmuş "Sonuncu monoloq" kitabının müəllifi yazıçı-publisist Nurəddin Ədiloğlu, teatrın baş rejissoru, əməkdar incəsənət xadimi Baba Rzayev, teatrın direktoru İslam Həsənov və sənətkarın səhnə dostları çıxış edərək Əli Salahlı ilə bağlı xatirələrini danışmış, onun görkəmli səhnə ustası olması ilə yanaşı, rəssamlıq qabiliyyətini də diqqətə çatdırıblar. Gecədə Əli Salahlının oynadığı tamaşalardan və bədii filmlərdən parçalar nümayiş etdirilib. Lənkəranlı sənətsevərlər, həmçinin teatrın foyesində Əli Salahlının rəsm əsərlərindən ibarət sərgi ilə də tanış olublar.

Palitra.- 2007.- 9 may.- S. 13.