“Koroğlu” operası 70 ili haqladı

Dünən Üzeyir Hacıbeyovun Ev Muzeyində "Koroğlu" operasının ilk nümayişinin 70 illiyi qeyd olunub

Yubiley tədbirində muzeyin direktoru, bəstəkar Sərdar Fərəcov operanın yaranma tarixindən danışıb. Mədəniyyət və Turizm nazirinin müavini Sevda Məmmədəliyeva isə Üzeyir Hacıbəyovun mədəniyyətimizə göstərdiyi danılmaz xidmətlərdən söhbət açaraq, bəstəkarın musiqiyə gətirdiyi yeni istiqamətdən danışıb. Hər zaman xalqımızın Üzeyir bəyə borclu olacağını deyən S.Məmmədəliyeva il ərzində bəstəkarın adı ilə bağlı silsilə tədbirlərin keçiriləcəyini də diqqətə çatdırıb.

Xalq artisti, bəstəkar Arif Məlikov Üzeyir Hacıbəyova layiqli qiymət verilmədiyindən gileylənib. Yubileylə bağlı bircə tədbir ilə kifayətlənmək olmaz deyen A.Məlikov bir neçə gün Opera və Bəlet Teatrında "Koroğlu" operasının nümayişini təklif edib. Azərbaycan xalqının qoyduğu irs müqabilində bu gün bəstəkara verilən dəyərdən • razı olmadığını təəssüf hissi ilə dilə gətirən A.Məlikov gec də olsa dahi sənətkarın layiqli qiymətini alacağına ümid etdiyini söyləyib,

Tədbirdə Mədənlyyət və Turizm Nazirliyi musiqi sektorunun müdiri Fərəh Əliyeva, bəstəkar Siyavuş Kərimi, tarzən Ramiz Quliyev və başqaları çıxış edərək dahi sənətkarın ömür və musiqi xəzinəmizə yadigar qoyduğu sənət əsərlərindən danışıblar.

Yeni Azərbaycan.- 2007.- 1 may.- S. 8.